Genesisi 27:9 - Bhiblia Yo Sawuleka

⁹ “Tsula txibalani u txi ya ni tisela tiphongo timbidi to tshura, se ni nata lulamisela tate wako sakudya so tshamba, nga ti ene a ti dhundisako tona.”

Genesisi 27:9 Referans Kwoze

Valamuli 13:15

Sekoko Manowa a to khene ka Ngelozi ya Mkoma: “Hi tumelele hi txi ku sweta, ngu ku kululamisela txihongwana.”

1 Samuwele 16:20

Sekoko Jese a to teka mbongola e yi rweka mapawu ni ngoto ya vhinya, ni phongo, e si rumela ka Sawule, ngu dianza da Dhavhidha, mwanana wakwe.

Genesisi 27:4

Ngako u di mani txihari, u nata ni bhikela sakudya so tshamba, asi ni si dhundako, u txi ta naso, kasi ni nata dya ni txi kukatekisa, ni sinzi kufa.

Genesisi 27:8

“Konkuwa koko, awe mwanangu engisisa mapswi angu, aya ni kurumako.”

Genesisi 27:10

“Awe u na ya mninga tate wako, kasi ku a na dya, e gwita a txi kukatekisa, a sinzi kufa.”

Genesisi 27:14

Jakobe a to tsula eya teka tiphongo e ta ningela ka mame wakwe, se ene e lulamisa sakudya sa sinene, asi si dhundwako ngu tate wa Jakobe.