Genesisi 27:7 - Bhiblia Yo Sawuleka

⁷ “Ni tisele nyama, u txi ni mahela sakudya so tshamba, se ani ni na dya ni gwita ni txi kukatekisa, masoni ka Mkoma, ni sanzi kufa.”

Genesisi 27:7 Referans Kwoze

Joxuwa 6:26

Se ka yona yile mbimo, Joxuwa a to xambanya, a txi khene: “A na ruketelwe masoni ka Mkoma, m'thu wu a no aketa didhoropa diya da Jeriko! A txi aka makhato a didhoropa, a na felwa ngu matiwula akwe, Mbimo yi ku no vekelwa matimba, a na felwa ngu mwanana wakwe wa tshole.”

1 Samuwele 24:19

Nguko i mani wo a di mani mlala wakwe a nga mleka e tsula ngu kuthutha kani? Ngu toneto, Mkoma a na ku tshumetele ngu wunene, ngu mhaka ya ti u nga ni mahela nyamsi.

Dhewuteronome 33:1

Kambe atxiya, njikatekiso a txi Mosi, m'thu wa Txizimu, a nga katekisa ngu txona vanana va ka Israyeli, na a sinzi kufa.

Genesisi 27:4

Ngako u di mani txihari, u nata ni bhikela sakudya so tshamba, asi ni si dhundako, u txi ta naso, kasi ni nata dya ni txi kukatekisa, ni sinzi kufa.

Genesisi 27:6

Sekoko Rebheka a to khene ka mwanakwe Jakobe: Ni engisile tate wako a txi womba-womba ni mwananu Esawu, a txi khene:

Genesisi 27:8

“Konkuwa koko, awe mwanangu engisisa mapswi angu, aya ni kurumako.”

Genesisi 27:14

Jakobe a to tsula eya teka tiphongo e ta ningela ka mame wakwe, se ene e lulamisa sakudya sa sinene, asi si dhundwako ngu tate wa Jakobe.