Genesisi 27:46 - Bhiblia Yo Sawuleka

⁴⁶ Rebheka a to womba ka Isaake, a txi khene: “Na dyiswa mihumbo kuhanyani kwangu, ngu mhaka ya vavasikati va Vaheti. Ngako Jakobe a txi teka msikati wa Muheti, ka dona ditiko diya, wo fana ni vona vava, ni nga va ni txi hanyela txani kani?”

Genesisi 27:46 Referans Kwoze

Genesisi 24:3

kasi ku ni txi ku xambanyisa ngu Mkoma, Txizimu txa nzuma ni mafu, ti to u nga thuke u txi lowolela msikati mwanana wangu, hagari ka mahorana a Vakanana, ava ni nga zumba hagari kwawe;

Genesisi 28:8

Esawu a ti zivile kambe ti to mahorana a Kanana kha ma tsakisi tate wakwe Isaake.

Jobe 14:13

U txo ni sisa dithithani, u si ni wonekisi kala kuza kuhenya kwako ku ni vayilela, u ni vekela m'hingano, ni ku ni alakanya.

Jobe 7:16

Wutomi wangu na wu nyenya, nguko kha ni na mbi hanya kala kupinduka; khukha kwangu nguko, masiku angu mbukanganyisi.

1 Vafumeli 19:4

Se a to tsimbila mnava wa ditshiku, eya khalahatsha hahatshi ka mndonga; se a to navela ni ku ti kombelela kufa a txi khene: Se ta dingana awe Mkoma; teka koko wutomi wangu, nguko kha ni nga wamnene kupinda vatate vangu.

Mitengo 11:15

“Ti di ngeto, na ku kombela tito, u ni ninga lifo konkuwa, kasi ni si woni xomulo yiya.”

Jona 4:9

Sekoko, Txizimu txi to kha txona ka Jona: Ina u nga za u pandiseka ngu mhaka ya thanga kani? Se ene a to xamula a txi khene: Ndinene ni pandiseka ni za ni navela kufa.

Jona 4:3

Na ku kombela koko, awe Mkoma thavisa wutomi wangu, nguko i tshuko kwangu kufa kupinda kuhanya.