Genesisi 27:43 - Bhiblia Yo Sawuleka

⁴³ Konkuwa, mwanangu, ni engise: Khukha, thava, u txi ya ka Labhani ndiyangu, ditikoni ka Harani;

Genesisi 27:43 Referans Kwoze

Genesisi 27:8

“Konkuwa koko, awe mwanangu engisisa mapswi angu, aya ni kurumako.”

Genesisi 11:31

Tera a to teka mwanana wakwe Abramu, ni mtukulu wakwe Loti, mwana Harani, ni mame wakwe Sarayi, msikati wa Abramu, e rura navo ditikoni ka Uri ka Vakaldheya, ve tsula ditikoni ka Kanana, aniko, va di hokile ditikoni ka Harani, va to aka ve zumba kona.

Genesisi 27:13

Mwamwakwe a to mxamula a txi khene: “Mwanangu, txiruko etxo txi na wele txitimwi kwangu; awe engisa tona ti ni kugelako, tsula u ya teka si ni nga si womba.”

Mithumo 5:29

Aniko Pedro ni vamwani Vapostoli va to xamula, va txi kha vona: “Ti ni fanelo ngutu kuengisa Txizimu kupinda kuengisa vathu.

Jeremiya 35:14

Timhaka ta Jonadhabhe, mwana Rekabhi, ati a nga laya vanana vakwe ti to va si seli vhinya, va ti xayisile; kha va sela kala ni nyamsi kuwa; nguko va engisile mlayo wa tate wawe; ani koko nitako ni txi womba kwanu, ni phindula ni mi gela, aniko anu, kha ma ni engisa.

Mavingu 30:17

Maso ale ma poyilelako tate mwendo kutxhipisa ngu kwa mbi engisa mame, ma na xokolelwa ngu magwana a txinambwanani, se me dyiwa ngu sisondo sa digama.

Genesisi 28:7

Jakobe a to engisa milayo ya tate wakwe ni ya mame wakwe, se e khukha a txi ya Padhani-Aramu.

Genesisi 24:29

Rebheka a ti ni ndiya yi nga ti dhanwa ku i Labani. Se Labhani, a txi hingeta wamwamna txisimani.

Genesisi 28:10

Jakobe a to khukha Bherisebha e tsula Harani.

Genesisi 27:42

Mbimo yile Rebheka a nga geletelwa mapswi a Esawu, mwanana wakwe wa matiwula, ene a to dhana Jakobe mwanana wakwe wa mnanda, a txi m'gela tiya: Esawu, mkomwako a lava kuphota kwako, a lava ku kudaya.

Genesisi 28:5

Isaake a to salisana ni Jakobe, se Jakobe a to teka nzila ya kuya Padhani-Aramu, m'tini ka Labhani, mwana Bhetuweli, muaramu, ndiya ya Rebheka, mame wa Jakobe ni Esawu.

Genesisi 35:1

Txizimu txi to womba ka Jakobe txi txi kha txona: “Khukha! Tsula Bheteli u txi ya aka kona. Koneyo u na ya aka txiluvelo txa Txizimu, atxi txi nga ti wonekisa kwako, mbimo yile u nga txi thava masoni ka mkomwako Esawu.”

Genesisi 25:20

Isaake a ti ni mune wa magumi a malembe, mbimo yi a nga tekana ni Rebheka, mwana Bhetuweli, muaramu, wa Padhani-Aramu, ndiya ya Labhani, muaramu nene.