Genesisi 27:41 - Bhiblia Yo Sawuleka

⁴¹ Se Esawu a to khata kuvenga Jakobe mnanda wakwe, ngu mhaka ya txikatekiso txi tate wakwe a nga mninga, a txi pimisa ekha mbiluni kwakwe, a txi khene: “Masiku o na dila tate nguko a di fite, ma hafuhi; sekoko ni na daya mnanda wangu Jakobe.”

Genesisi 27:41 Referans Kwoze

Genesisi 37:4

Vanawe ngako va txi wona ti to tate wawe a randa ngutu Josefa, kupinda votshe vamwani vanawe, va to khata ku m'vengela ngutu, va si lavi ni kuwombawomba nayo ngu kuthutha.

Ekleziyaste 7:9

U nga kuluvete kuhenya moyani kwako, nguko kuhenya kuzumba hagari ka siphukuphuku.

Mavingu 6:14

Kuonha kuho mbiluni kwakwe; yotshe mbimo a pimisela wubihi; e tsimbila e phaya mazunga.

Genesisi 37:8

Sekoko vanawe va to kha vona kwakwe: “Ti komba ti to awe u na fuma txitimwi kwathu kani? Niku awe u na hi thangela nga m'thu wa hombe kani? Ngu kumaha yeto, va to m'vengela ngutu, ngu mhaka ya miloro yakwe, ni mapswi akwe.”

Genesisi 32:6

Mitumi yi to wuya ka Jakobe yi ta womba tiya: “Hi hokile ka mkomwako Esawu. Se nene wata, wa kuhingeta, ana ni 400 wa vavamna.”

Titosi 3:3

Nguko nathu kale hi ti sipumbu, ni sikanyisi, ni vatimeli va nzila, ni tikhumbi ta lotshe lixaka la minavelo yo biha, hi txi hanya kubihani ni mu kubavelanani, hi txi zondwa ngu vathu ni kuzondana athu ngu txathu.

Ezekhiyele 35:5

Nguko wulala wako kha wu gwiti, se u lekile vanana va ka Israyeli ve wukelwa ngu ditxhari, ka mbimo ya wubihi wawe wa hombe.

Mavingu 1:16

Nguko minenge yawe yi tutumela to biha, kambe va kuluveta kutheketa mnoha.

Masalmo 142:3

“Ngako moya wangu wu txi guma mtamo, awe Mkoma, wa yi ziva nzila yi ni fanelako kuteka yona. Ka nzila yi ni nga txi tsimbila ngu yona, va ni riyete ngu mlawu.

Masalmo 37:16

Si na ni lisima ngutu sa sidotho asi m'thu wo lulama a ku naso kupinda tithomba tatingi ta vabihi.

Masalmo 35:14

Ni txi zumba ni txi xaniseka, kufana ni kupandisekela mngana mwendo mwanathu; nga wo felwa ngu mame wakwe.

2 Makronika 35:24

Se sithumi sakwe si to mu humisa txikotxikani, veya m'beta ka txikotxikani txa wumbidi va nga ti natxo, ve mu tsulisa Jerusalema; se a to fa, e tshotshwa mathithani ka vatate vakwe; se votshe va ka Judha ni Jerusalema va to dila Josiya.

Dhewuteronome 34:8

Vanana va ka Israyeli va msalukile Mosi, libalani ka Mowabhi, amu ka magumi mararu a masiku, kala ku txi guma masiku a masaluko, o dila Mosi.

Genesisi 35:29

Se Isaake, msana ka kuva a di kumbile, to fa, eya ti patanisa ni va ka kwawe, i di txikhovana, na a di hanyile masiku o tala, se vanana vakwe, Esawu ni Jakobe, va to mtshotsha.

Genesisi 32:11

Na ku kombela, ni lamulele manzani ka mkomwangu Esawu, nguko na m'thava, ati to a nga thuka a txi ta e ta hi daya, ani ni vamame, ni vanana.

Genesisi 27:42

Mbimo yile Rebheka a nga geletelwa mapswi a Esawu, mwanana wakwe wa matiwula, ene a to dhana Jakobe mwanana wakwe wa mnanda, a txi m'gela tiya: Esawu, mkomwako a lava kuphota kwako, a lava ku kudaya.

Genesisi 32:3

Jakobe a to ruma mitumi yakwe, e yi thangetisa masoni kwakwe, yi txi ya ka mwanawe Esawu, ditikoni ka Seyiri, ditikoni ka Edhomi.

Genesisi 50:2

Josefa a to leleta vadhokodhele va va nga ti mthumela, ti to va txi lulamisa mmidi wa tate wakwe, va txi wu totela mafura, se vona va totete mafura txirumbi txa Israyeli.

Genesisi 37:18

Vona va mu woni a di ngadi kule, se na a sanzi kuhoka hafuhi kwawe, va to langana ti to ve m'daya.

Genesisi 50:15

Sekoko ngako vanawe va Josefa va di woni to tate wawe a fite, va to wombawombisana va txi kha vona: Mwendo Josefa a na hi vengela a txi hi tshumetela, wotshe wubihi wu hi nga mmahela.

Mavingu 18:19

Ta karata kuboxisa mwananu a di henyisilwe, kupinda kuxula didhoropa do tsana; ni mazunga ma fana ni matimba a tisimbi nyumbani ka wukoma.