Genesisi 27:4 - Bhiblia Yo Sawuleka

⁴ Ngako u di mani txihari, u nata ni bhikela sakudya so tshamba, asi ni si dhundako, u txi ta naso, kasi ni nata dya ni txi kukatekisa, ni sinzi kufa.

Genesisi 27:4 Referans Kwoze

Vahebheru 11:20

Ngu likholo liya kambe, Isaake a kombelete Jakobe ni Esawu makatekwa a mbimo yi yi tako.

Genesisi 48:9

Josefa a xamute, a txi khene: Mbanana vangu, ava Txizimu txi nga ta ni ninga ditikoni muwa. Jakobe a to engeta, a txi khene: Na ku kombela, va tise hafuhi kwangu, kasiku ni txi va katekisa.

Genesisi 49:28

Votshe vava va tshanganisa digumi da tihunzu ni timbidi ta Israyeli, atiya timhaka ngu tona ti tate wawe a nga va gela. Ene a va katekisile, mmweyo ni mmweyo madingano ni fanelo yakwe.

Genesisi 27:25

Sekoko Isaake a to engeta, a txi khene: “Tisa hafuhi ni ta dya nyama yi u nga xota mwanangu, kasi ku ni txi ku katekisa.” Jakobe a to mninga sakudya e dya, a txi mninga kambe vhinya e sela.

Luka 24:51

Mbimo yi a nga txi va katekisa, a to va siya, a txi guleka a txi ya txitimwi.

Luka 2:34

Se Simiyoni a to va katekisa, na a txi womba ka Mariya, mame wa mwanana, a txi khene: “Mwanana wuwa a emisetwe ku na wisa ni kuwusa vavangi ka nyumba ya Israyeli, a na va kambe i di txikombiso txi txi no kanetwa;

Joxuwa 22:6

Joxuwa a to va katekisa, e va gela ti to ve tsula, se vona va to tshumelela matendani kwawe.

Joxuwa 14:13

Se Joxuwa a katekisile Kalebhi, mwana Jefoni, wa Mkenezi, e mninga Hebroni, yi maha thomba yakwe.

Genesisi 27:7

“Ni tisele nyama, u txi ni mahela sakudya so tshamba, se ani ni na dya ni gwita ni txi kukatekisa, masoni ka Mkoma, ni sanzi kufa.”

Genesisi 28:3

Txizimu txa mtamo wotshe txi na ku katekise, txi txi kuninga liveleko lo tala, u txi anda, u txi maha tate wa tihunzu to mbi balwa.

Genesisi 27:31

Nene a to lulamisa sakudya sa sinene, e si tisa ka tate wakwe. Esawu a to gela tate wakwe, a txi khene: “Tata, wuka u txi dya nyama yo xotwa ngu mwanana wako, kasi ku u txi ni katekisa!”

Genesisi 27:27

Ene a to tshuketa e pswopswa tate wakwe. Sekoko Isaake, ngako a txi pfa kubhumula ka syambalo sakwe, a to mkatekisa, a txi khene: “Hi nga pfani kubhumula ka mwanana wangu, kufana ni thembwe yi Txizimu txi nga yi katekisa.

Genesisi 27:23

Ene kha nga m'ziva, nguko mawoko akwe ma ti ni mapfhepfheleti nga a Esawu, mwanawe Jakobe, se Isaake a to mkatekisa.

Genesisi 24:60

Va to katekisa Rebheka, va txi kha vona kwakwe: “Awe ndiyathu veleka magumi a mazana a magumi a mazana, liveleko lako li na xule valala va lona.”

Genesisi 14:19

Ene a to katekisa Abramu, a txi khene: “A na katekiswe Abramu ngu Txizimu Nyatxitimwi, M'vangi wa nzuma ni mafu!

Genesisi 27:5

Rebheka a ti ti riyile nzeve, a txi engisela ati Isaake a nga txi womba-womba ni mwanakwe Esawu. Ti di ngeto, Esawu a to tsula txitingani kuya xotela tate wakwe.

Genesisi 27:9

“Tsula txibalani u txi ya ni tisela tiphongo timbidi to tshura, se ni nata lulamisela tate wako sakudya so tshamba, nga ti ene a ti dhundisako tona.”

Genesisi 27:14

Jakobe a to tsula eya teka tiphongo e ta ningela ka mame wakwe, se ene e lulamisa sakudya sa sinene, asi si dhundwako ngu tate wa Jakobe.

Genesisi 27:17

Sekoko a to ningela ka mwanakwe Jakobe sakudya sile so tshamba ni dipawu, a nga ti si lulamisile.

Genesisi 27:19

Jakobe a to xamula ka tate wakwe, a txi khene: “Ngani Esawu, mwanana wako wa matiwula; ni mahile ti u nga ni ruma. Wuka koko, u txi khalahatsha udya si ni nga ya xota, kasi ku u txi ni katekisa.”