Genesisi 27:38 - Bhiblia Yo Sawuleka

³⁸ Esawu a to khene ka tate wakwe: “Ina njikatekiso tximwetxo dwe u ku natxo, kani tata? Tata, ni katekise nani!” Esawu a to peka huwa, a txi dila.

Genesisi 27:38 Referans Kwoze

Vahebheru 12:17

Ma tiziva kambe ti to mbimo yi a nga lava thomba ya kukatekiswa, a nyenyilwe nguko kha mana nzila yo hunduluka ngu yona, hambiko a nga ti kombela ngu kudila mirongo.

Genesisi 27:34

Mbimo yi Esawu a nga engisa mapswi a tate wakwe, a to dila ngu mtamo, a txi pandiseka ngutu, a txi womba ka tate wakwe, a txi khene: “Tata, ni katekise nani.”

Isaya 65:14

wonani taku sithumi sangu si na embelela ngu kutsaka ka timbilu ta sona, aniko anu mi na peka tihuwa ngu kupandiseka ka timbilu, mi na yowe, ngu kuxaniseka ka moya;

Genesisi 49:28

Votshe vava va tshanganisa digumi da tihunzu ni timbidi ta Israyeli, atiya timhaka ngu tona ti tate wawe a nga va gela. Ene a va katekisile, mmweyo ni mmweyo madingano ni fanelo yakwe.

Genesisi 27:36

Sekoko Esawu a to engeta, a txi khene: “Kha ditshuri, ngu tona tiya va nga mraya ngu tona ditina daku i Jakobe, nguko se nda wumbidi a txi ni dyelela. Kukhata a tekile wutiwula wangu, se konkuwa a tekile txikatekiso txangu.” Se a txi sanzekela mapswi a ku khene: “Ina khwa ni siyela ni txa tximwetxo txikatekiso kani?”

1 Samuwele 11:4

Se mbimo yile mitumi yi nga hoka Gibheya ka Sawule, yi to gela vathu mapswi awa. Sekoko vathu votshe va to kwangula, ve dila.