Genesisi 27:35 - Bhiblia Yo Sawuleka

³⁵ Aniko tate wakwe a xamute, a txi khene: “Jakobe mwananu a tile ngu wukanganyisi, se a tekile txikatekiso txako.”

Genesisi 27:35 Referans Kwoze

1 Vatesalonika 4:6

Ka yiya mhaka, m'thu a nga thuke a txi dyelela mkwawe, nguko Mkoma wa ziva kupharela ka sotshe siya, kota nga ti hi nga mi gela, hi txi tshumela hi mi xambanyela.

2 Vakorinto 4:7

Aniko, thomba yi hi ku nayo, yi vekilwe mu ka siya sa dibumba, kasiku ti txi zivaneka ti to mtamo wuwa wa hombe wuta ngu ka Txizimu, kha wu ti ngu kwathu.

Malakiya 2:10

Ina kha hi nga ni tate mmweyo athu hotshethu kani? Kha ha vangwa ngu Txizimu tximwetxo kani? Ngu kutxani hi kanganyisana, hi onha ni txitumelelano txa vatate vathu kani?

2 Vafumeli 10:19

Sekoko ni dhaneleni votshe vaprofeti va Bhahali, sotshe sithumi sakwe ni votshe vaphaxeli vakwe; ku nga pwateke ni wammweyo, nguko ni ni mningelo wa hombe ni lavako ku wu maha ka Bhahali; ni wihi wu a no pwateka, kha na mbi hanya. Eko Jehu a txi maha eto ngu wutxhari, kasi e khundumusa sithumi sa Bhahali.

Jobe 13:7

Ina mi nga dhuka mi womba kubiha ngu Txizimu, se mi nuwela makuhu ngu txona kani?

Genesisi 27:33

Sekoko Isaake a to dhudhumela ngu kuhenya ka hombe ngutu, a txi khene: “I mani koko wule a nga xota nyama a txi ta ni ninga kani? Ani ni dyite sotshe na u sanzi kubwaka, se ni mkatekisile, kambe a na va a di katekile.”

Jeremiya 9:4

Ti woneleni motshenu ngu mhaka ya vaakelani, mi nga thembeni vananu, nguko votshe vanathu va duketa kukanganyisa, ni mwakelani mmwani ni mmwani mbo singetana.

Genesisi 29:25

Mangwanani ka kona ni mixo, Jakobe a to wona ti to i Leya a nga ningwa, se Jakobe a to womba ka Labhani, a txi khene: “Njitxani u nga ni mahela kani? Ina kasi ani kha na thumela Rakeli m'tini kwako kani? Ngu kutxani u txi ni kanganyisa kani?”