Genesisi 27:28 - Bhiblia Yo Sawuleka

²⁸ Txizimu txi na ku nisela mwando wa nzumani, txi kuninga mafu o nona; ni kupfuna ka fulaho ni vhinya.

Genesisi 27:28 Referans Kwoze

Dhewuteronome 33:28

Israyeli a akile kuxayisekani, txisima txa Jakobe txi zumbisekile, ka mafu a kupfuna fulaho ni vhinya, hahatshi ka nzuma, ayi yi wisako mwando.

Dhewuteronome 33:13

Ngu didhawa da Josefa, a ti khene: “Ditiko dako di na katekiswe ngu Mkoma, di ningwa sihiwa so tshura sa nzumani, i ku mwando ni mati awa ma ku kuhokomani ka hahatshi,

Masalmo 133:3

Ngu nga txyandela txa mmangoni ka Hermoni, txi relelako ka mimango ya Siyoni. Nguko, ngu koneyo Mkoma a rumako makatekwa, ngu kuvaninga kuhanya kala kupinduka.

2 Samuwele 1:21

Anu mimango ya Gilibhowa, ku nga thuke kuwa mwando, hambi nzuma yi nga ne txitimwi kwanu, hambi txitimwi kwanu, tithembwe ta miningelo yo diwitelwa, nguko nguho ku nga txhipiswa ngutu sitxhavangu sa tindena, txitxhavangu txa Sawule, ku nga kha txi zivi kutotwa mafura.

Dhewuteronome 32:2

Gondo yangu yi na date nga mati a nzuma, dipswi dangu di na txhike kufana ni mwando, kufana ni dipswhi di tshutshako txitimwi ka diphunde do nakana, kufana ni txyandela txitimwi ka mwasi wo nyuka.

Dhewuteronome 7:13

se a na kuranda, a na kukatekisa, a na kumaha u anda, a na katekisa mihando ya mndani kwako, ni mihando ya mafu ako, mafaka ako, ni vhinya yako ya yiphya, ni mtona wako, ni sifuyo sako sa tihomu tako ta mikati, sifuyo sako sa sidotho, ka ditiko di a nga xambanya kuninga vatate vako.

Zakariya 8:12

Nguko mbewu yi na humelela, se m'vhinya wu na veka mihando ya wona, mafu ma na ninga sasiphya, nzuma yi na nisa hunguva ya yona; se ni na maha taku miboti ya vathu vava, yi mana yotshe thomba yiya.

Joyeli 2:19

Se Mkoma a na xamula ka vathu vakwe, a txi khene: Wonani taku ni na rumela fulaho, ni vhinya yo lombela, ni mafura, mi na khura ngu sona, kha ni na mbi mi ningela kambe tinganani, hagari ka matiko.

Isaya 45:8

Anu tizuma nisani mwando, ni marefu ma na nise kululama; ma na tuleke mafu, se kuhuma kuhanyisa, kululama ku na ninge mihando kumweko; ani Mkoma, ni si vangile.

Masalmo 104:15

Vhinya yi yi va tsakisako timbilu, mafura awa ma va tshurisako tikhohe ni sakudya si si va ningako mtamo.

Masalmo 36:8

Ha tsaka ngutu ngu kupfa kukhura ngu sakudya so tala sa nyumbani kwako; awe wa hi ninga kusela mati a mnamboni ka wunene wako,

1 Vafumeli 17:1

Sekoko Elija, wa Tisibha, mmweyo wa vaaki va Gileyadhi, a to khene ka Akabe: Ni xambanya ngu Mkoma a hanyako, Txizimu txa Israyeli, awu ni ku masoni kwakwe, ti to kha ku na mbiwa mati, hambi mwando, hahanze ka kuva ni kombela.

Mitengo 18:12

Wotshe mtona wa wunene, ni vhinya yotshe ya yiphya, kumweko ni fulaho, ni sotshe si ku sa sinene, si lumbako mningelo wa Mkoma, ni si ningile kwako.

Vahebheru 11:20

Ngu likholo liya kambe, Isaake a kombelete Jakobe ni Esawu makatekwa a mbimo yi yi tako.

Zakariya 9:17

Nguko nga tona ti wu nga kulisa tona wunene wawe! Ni ti va nga tshurisa tona! Se fulaho yi na tshurisa majaha, ni vhinya ya yiphwa yi na tshurisa mahorana.

Mika 5:7

Se miboti ya ka Jakobe, yi na va hagari ka vathu vavangi, ku nga mwando wa Mkoma, ku nga matshutshelo txitimwi ka mwasi, wu si emeliko m'thu, mwendo kuverela vanana va vathu.

Jeremiya 14:22

ina txiho txifananiso hagari ka vamatiko txi sikotako kunisa mati kani? Mwendo nzuma yi nga sikota kunisa mati yipune kani? Ina hi ngawe kani Mkoma, Txizimu txathu kani? Ngu konaho, hi na kuverela, nguko ngawe u nga maha sotshe siya.

2 Makronika 2:10

Se sithumi sako si si ku na wila mapulango, na si ninga 20.000 wa mimovha yo tala ngu fulaho yo hulwa, ni 20.000 wa mimovha yo tala ngu sevhadha, ni 20.000 wa mapipa a vhinyo, ni 20.000 wa mapipa o tala ngu mtona.

1 Vafumeli 5:11

Se Solomoni a to ninga ka Hiramu 20.000 wa tipimo ta hombe ya fulaho, kasi kudyisa m'ti wakwe, ni magumi mambidi a tipimo ta hombe ta mafura amanene; eso Solomoni a ti ninga Hiramu, dilembe ni dilembe.

Joxuwa 5:6

Nguko vanana va ka Israyeli va tsimbite mune wa magumi a malenbe txiwulani, kala kuza va txi guma votshe vathu, i ku vavamna va yimbi, va nga huma ngu Egipta, va nga mbi engisa dipswi da Mkoma, kevo Mkoma a nga ti va xambanyete ti to kha na mbi va leka ve wona ditiko dile Mkoma a nga xambanya ka vatate vawe ku hi ninga, ditiko di di khulungako masi ni wulombe.

Genesisi 49:20

Aseri, sakudya sakwe nza kunona, sona nzo tshamba sa wukoma.

Genesisi 45:18

mi na ya teka tate wanu, ni timwaya tanu, mi txi wuya kheno kwangu; ani ni nata mi ninga wukhalo wa wunene ditikoni ka Egipta, kasiku mi txi dya mihando ya kupfuna ka ditiko diya.

Varoma 11:17

Se ngako madhavi okari ma di phatutwe, se awe u ku didhavi da muolivhera wa txitinga u nga ta txhomekwa ha wukhaloni ka ona, u va u sengela nawo kudyiswa ngu ndome ya mkoloti wa muolivha wa m'tini,

Mitengo 13:20

Mi wona mafu a kona ti to ma nonile mwendo njigwangwa; mi wona ni mindonga taku yiho mwendo kha yi ngaho. Tsanisani, mi na wuya ni mihando ya kona ya ditikodo.” I ti ti mbimo yo vitwa mauvha.

Genesisi 27:39

Sekoko tate wa kona Isaake a to mxamula, a txi khene: “Wona taku m'ti wako wu na va wu di kule ni kunona ka mafu, wu si mani mwando wa nzumani.

Genesisi 27:37

Sekoko Isaake, a to xamula ka Esawu, a txi khene: “Ani ni mmahile mfumeli wako, ni mningile votshe vanana-kulowe, ti to ve maha sithumi sakwe, ni mningile kambe fulaho ni vhinya. Se ni nga ku mahela txani kambe nawe, mwanangu, kani?”

Genesisi 49:25

Txizimu txa tate wako txi na kuvhuna, ni wu wa Mtamo-wotshe awu a no ku katekise: Ngu makatekwa a kuta ngu txitimwi nzumani, ni makatekwa a kuhokomani, ma ku hahatshi ni makatekwa a titshumbu, ni mrumbuni.

Mavingu 3:20

Ngu wuzivi wakwe, ku tulekile kuhokoma, se ni marefu ma tshatshela mwando.

Mavingu 19:12

Kuhenya ka mfumeli, kufana ni kubhonga ka txingonyamwana; aniko wunene wakwe wu fana ni mwando txitimwi ka mwasi wo nakanna.