Genesisi 27:13 - Bhiblia Yo Sawuleka

¹³ Mwamwakwe a to mxamula a txi khene: “Mwanangu, txiruko etxo txi na wele txitimwi kwangu; awe engisa tona ti ni kugelako, tsula u ya teka si ni nga si womba.”

Genesisi 27:13 Referans Kwoze

Matewu 27:25

Se votshe va to angula va txi kha vona: “Mnoha wakwe wu na thekele txitimwi kwathu ni txitimwi ka vanana vathu!”

2 Samuwele 14:9

Se wamsikati wule wa mutekoyi a to khene ka mfumeli: Kwa mbi lulama, awe mfumeli, nyamne wangu, ku na wele txitmwi kwangu ni txitimwi ka nyumba ya tate wangu; kambe mfumeli ni txikhalo txakwe txa wukoma a nga mane mnandu.

1 Samuwele 25:24

Se a to ti rinza mikondoni kwakwe, a txi khene: O! Nyamne wangu, mnandu wuwa wu nave kwangu; Leka txithumi txako txa txisikati txi womba-womba ni nawe, u engisa mapswi a txithumi txako txa txisikati.

Genesisi 43:9

Ani na ti ningela kumxayisa; u txi ta mlava, u na mmanela kwangu; ngako ni si wuyi nayo ni ta m'veka masoni kwako, ni na va ni mnandu masoni kwako, ngu ha ku si gwitiko.

Genesisi 27:8

“Konkuwa koko, awe mwanangu engisisa mapswi angu, aya ni kurumako.”

Genesisi 25:33

Sekoko Jakobe a to khene: “Khata ngu kuxambanya.” Esawu a to xambanya, e xavisa wutiwula wakwe ka Jakobe.

Genesisi 25:23

se Mkoma a to mxamula a txi khene: “Mndani kwako ku ni matiko mambidi, se tihunzu timbidi ti na abaneka mndani kwako: Lihunzu limwelo li nava ni mtamo kupinda limwani, mkoma wa kona a na khoziswa ngu mnada wakwe.”

Genesisi 27:14

Jakobe a to tsula eya teka tiphongo e ta ningela ka mame wakwe, se ene e lulamisa sakudya sa sinene, asi si dhundwako ngu tate wa Jakobe.

Genesisi 27:43

Konkuwa, mwanangu, ni engise: Khukha, thava, u txi ya ka Labhani ndiyangu, ditikoni ka Harani;

2 Makronika 22:3

Nene a to londeta tinzila ta va ka Akabhi, nguko mame wakwe i ti ti disungukati dakwe.