Genesisi 26:7 - Bhiblia Yo Sawuleka

⁷ Se vavamna va wukhalo wule, va to mu wotisa madingano ni msikati wakwe, ene a to khene: I ndiyangu, ene a ti ti thava kuwomba tito: “Msikati wangu,” ngu kupimisa ti to vathu va wukhalowo, va nga m'daya ngu mhaka ya Rebheka, nguko ene a ti tshurile ngutu.

Genesisi 26:7 Referans Kwoze

Mavingu 29:25

Dijowa da m'thu di na riya milawu, kambe awule a thembako ka Mkoma, a na vekwa ka wukhalo wo guleka.

Genesisi 20:2

Koneyo, Abrahamu a txi womba ngu msikati wakwe Sara, a txi khene i ndiyakwe, se Abhimeleki mfumeli wa Gerara e ruma kuya teka Sara.

Genesisi 12:13

Na ku kombela, u ndiyangu kasi ku ni txi mana kuamukelwa ngu nzila ya yinene, ni kumana kambe kulekwa ni hanya, ngu mhaka yako.

Genesisi 24:16

Muhoraneyo Rebheka a ti ti tshurile ngutu, i ti ti mbiri, a ti sanzi kutekwa ngu wamwamna; ene a to relela txisimani, e tata lidhuwa lakwe, e kwelela.

Vakolosa 3:9

Mi nga hembelaneni, nguko mi xivite m'thu wa kale ni hanyelo yakwe;

Vaefesu 5:25

Nananu vavamna, randani vasikati vanu, kota nga ti Kristu a nga randisa tona Dibanza, a txi ti ningela ngu mhaka ya dona,

Matewu 10:28

“Mi nga thaveni ava va dayako mmidi, va si sikotiko kudaya moya. Aniko thavani Txizimu txi ku ni mtamo wa kulovisa mmidi ni moya Gehena.

Genesisi 20:5

Abrahamu ngene a nga womba, a txi khene: ‘I ndiyangu’, ni nene wamsikati, e womba toneto, a txi khene: ‘I ndiyangu’. Ni mahile tiya ngu mbilu ya yinene ni manza o lulama.”

Genesisi 12:11

Mbimo yi a nga wona ti to a hafuhi ni kuwulela Egipta, Abramu a to khene ka msikati wakwe Sarayi: Wa ti wona: Na tiziva ti to awe u woneka u di msikati wo tshura ngutu.

Genesisi 20:11

Abrahamu a xamute a txi khene: “Ani ni to pimisa nokha, ni txi khani: Ka wukhalo wuwa ku nava ku si nga ho ni wammweyo a thavako Txizimu, se va na ni daya ngu mhaka ya msikati wangu.

Genesisi 26:6

Ti di ngeto, Isaake a to zumba Gerara.

Genesisi 26:8

Ku di pindile mbimo ya hombe koneyo, ngu txikhati txokari, Abhimeleki, mfumeli wa ditiko da Vafilista, ngako a txi solela hahanze ngu ha difasitelani, a to wona Isaake a txi khutarela Rebheka msikati wakwe.

Genesisi 29:17

“Kambe Leya a ti ni maso o wumela, aniko Rakeli a ti ni txiemo txa txinene ni khohe yo tshura.”

Genesisi 12:15

Tinduna ta Faro, ngako ti di muwoni wamsikati, ti to ya womba ngu mapswi a ku m'dhumisa ka Faro. Se wamsikati a to tekwa e yiswa nyumbani ka Faro.