Genesisi 26:5 - Bhiblia Yo Sawuleka

⁵ nguko Abrahamu a engisile dipswi dangu, kambe a veketile milayo yangu, sirumo sangu, ni sileleto sangu, ni mithetho yangu.”

Genesisi 26:5 Referans Kwoze

Genesisi 22:18

Se ngu ka liveleko lako yi na katekiswa yotshe mifumo ya ha mafuni, nguko u engisile dipswi dangu.”

Genesisi 22:16

yi txi m'gela tiya: “Ni xambanyile ngu ngani nipune, kuwomba Mkoma, Nga ku u nga maha toneto, u nga mbi lamba ni mwanana wako wammweyo,

Matewu 7:24

“Ngu toneto, awu a engisako mapswi angu e ma veketa, a fana ni m'thu wo txhariha, a nga aka nyumba yakwe txitimwi ka dirigwi.

Jakobe 2:21

Ina hi nga yona mithumo yi nga maha ti to tate wathu Abrahamu e va mlulami, ngukuwa a nga ningela mwanana wakwe Isaake ha txiluveloni kani?

Vahebheru 11:8

Ngu likholo, vakale va mani nduma ya yinene. Ngu likholo, Abrahamu, ngako a di dhanwi ngu Txizimu, a engisile a txi khukha e tsula ka ditiko di a nga ti fanela ku di amukela, di txi maha thomba yakwe, a tsute asi zivi ti to a ya hayi.

Vagalatiya 5:6

Nguko ka Jesu Kristu, wukwera hi nga wa txilo, hambi wukhutu ni wona hi nga txilo, hahanze ka likholo li li ti kombako ngu mithumo ya lirando.

1 Vakorinto 15:58

Se ngu toneto, vanathu vo randeka, zumbani mi di tsani, mi si xulwi ngu txilo. Khutalani miya masoni ka mthumo wa Mkoma, na mi txi tiziva tito, masoni ka Mkoma, mthumo wanu hi nga wa mahala.

Genesisi 18:19

Nguko ani ni msawute kasi ku a txi gondisa vanana vakwe, ni votshe va ka kwawe msana kwakwe, kasiku ve maha kuranda ka Mkoma, ni kumaha kululama ni wunene, se ngu mhaka yeto, ani Mkoma, ni na maha ka Abrahamu ati ni nga mthembisa.”

Genesisi 12:4

Se Abramu a to khukha e tsula, nga ti Mkoma a nga m'gelisa tona, se Loti a to tsula nayo. Mbimo yi Abramu a nga khukha a ti ni tanga ya mtxhanu wa magumi ni magumi mambidi ni mtxhanu wa malembe, mbimo yi a nga khukha ngu Harani.

Genesisi 17:23

Sekoko Abrahamu a to teka Ismayeli, mwanana wakwe, ni votshe vavamna vale va nga velekwa m'tini kwakwe, ni votshe vale va nga xawa ngu male, votshe va mazambi, ava va kuho m'tini kwakwe, a to va yisa wukwera, ka donedo tshiku, nga ti Txizimu txi nga mleletisa tona.

Matewu 5:19

Ngu mhaka yeto, awule a no ndaka wawumwewo ka milayo yileya, hambi i di wa wudotho, a txi gondisa toneto ka vathu, a na va i di wam'dotho ka Mfumo wa nzumani. Aniko awule a veketako milayo, e yi gondisa, a na va i di wa hombe Mfumoni ka nzumani.

Genesisi 26:6

Ti di ngeto, Isaake a to zumba Gerara.