Genesisi 26:34 - Bhiblia Yo Sawuleka

³⁴ Mbimo yi Esawu a nga va ni tanga ya mune wa magumi a malembe, a to teka vasikati vambidi, i ku Judhite, mwana Bheyeri, Muheti, ni Bhasemate, mwana Eloni, Muheti.

Genesisi 26:34 Referans Kwoze

Genesisi 36:2

Esawu a tekile vasikati, hagari ka vanana Vakanana, i ku Adha, mwana Eloni, Muheti, Oholibhama, mwana Ana, mwana Zibheyami, muhevhi,

Eksodha 34:16

Kambe u nga thuke u txi wuta hagari ka vanana vawe vamahorana, vasikati kasi kulowota vanana vako va vafana, va nga hambukisa vanana vako va txi maha wugango ni sizimu soneso.

Genesisi 36:13

Ngu vava vanana va Reweli: Nahati, Zera, Sama, ni Miza. Evo mbanana va Bhasemate, msikati wa Esawu.

Genesisi 36:5

Oholibhama a velekile Jewusi, ni Jalamu, ni Kora. Evo mbanana va Esawu, va nga velekelwa ditikoni ka Kanana.

Genesisi 28:9

A to tsula ka Ismayeli, eya teka Mahalati, mwanana wa muhorana wa Ismayeli, mwana Abrahamu, i ku ndiya ya Nabhayoti, a txi maha msikati wakwe, hahanze ka vale a nga ti navo ngu kale.

Genesisi 24:3

kasi ku ni txi ku xambanyisa ngu Mkoma, Txizimu txa nzuma ni mafu, ti to u nga thuke u txi lowolela msikati mwanana wangu, hagari ka mahorana a Vakanana, ava ni nga zumba hagari kwawe;

Vahebheru 12:16

Ku nga ve ni wammweyo wa wugango mwendo awu a nyenyezisako sa kusawuleka nga Esawu, awu a nga xavisa wutiwula wakwe ngu mbiya ya sakudya.

1 Vakorinto 7:2

Aniko, ngu konaho ka wugelegele wu nga tala, wamwamna ni wamwamna a nave ni msikati wakwe; wamsikati ni wamsikati nene a nave ni mwamna wakwe.

Genesisi 27:46

Rebheka a to womba ka Isaake, a txi khene: “Na dyiswa mihumbo kuhanyani kwangu, ngu mhaka ya vavasikati va Vaheti. Ngako Jakobe a txi teka msikati wa Muheti, ka dona ditiko diya, wo fana ni vona vava, ni nga va ni txi hanyela txani kani?”

Genesisi 28:8

Esawu a ti zivile kambe ti to mahorana a Kanana kha ma tsakisi tate wakwe Isaake.

1 Samuwele 26:6

Se Dhavhidha a to xamula ka Ayimeleki, Muheti, ni ka Abhixayi, mwana Zeruiya, mwanawe wa Jowabhi, a txi khene: I mani a no relela ni nani hi ya ka Sawule wugoveloni kani? Se Abhixayi a to khene: Ani ni na relela ni nawe!