Genesisi 26:3 - Bhiblia Yo Sawuleka

³ U nga sikota kuaka ka ditiko diya, ani ni na va ni nawe, kambe ni na kukatekisa. Nguko otshe matiko awa ni na kuninga awe ni liveleko lako, ni txi hetisa txixambanyo txi ni nga txi maha ka Abrahamu, tate wako.

Genesisi 26:3 Referans Kwoze

Genesisi 28:15

Ani ni ni nawe, kambe ni na kuxayisa hani ni hani u no maneka u di kona, ni na ku wuyisa ka ditiko diya, nguko kha ni na mbi kuleka na ni sinzi kumaha ati ni nga kugela.”

Masalmo 105:9

Txitumelelano txi a nga txi maha ni Abrahamu, txixambanyo txi a nga txi maha ka Isaake.

Genesisi 20:1

Abrahamu a to khukha konaho e tsula ditikoni ka Negebhe, a txi ya aka hagari ka Kadhesi ni Suri. Ene a to ya luvela ditikoni ka Gerara.

Genesisi 17:8

Ni na kuninga awe, ni lihunzu lako, msana kwako, ditiko diya u zumbako ka dona, dotshe ditiko da Kanana di na va ditiko danu, ngu hale ku si gwitiko, kambe ni na va Txizimu txanu.”

Genesisi 15:18

Ka donedo ditshiku, Mkoma a to maha Txitumelelano ni Abramu, a txi khene: “Ni ningete ditiko diya ka liveleko lako, kukhukhela mnamboni ka Egipta, kala ka mnambo wa hombe, wa Ewufrate.

Genesisi 13:17

Konkuwa, khukha u txi dhawula ditiko diya u wona kulapha ka dona ni kuanama ka dona, nguko ni na kuninga dona.”

Genesisi 13:15

Dotshe ditikodo u di wonako, ni na kuninga, awe ni lotshe liveleko lako, kala kupinduka.

Genesisi 12:7

Se Mkoma a to humelela ka Abramu a txi ta khene: “Ditiko diya ni na di ningela ka liveleko lako.” Ngu konaho Abramu a nga akela Mkoma txiluvelo, a nga ti wonekisa kwakwe.

Vahebheru 11:9

Ngu likholo, ene a akile nga muwuyi ka ditiko di a nga ti thembisilwe, a txi zumba midhutini kufana ni Isaake ni Jakobe, vadyi-kulowe va yona thombeyo ya yimweyo ya txithembiso.

Vafilipiya 4:9

Ati mi nga gonda ni ti mi nga ti amukela, ati mi nga tiengisa, ni ti mi nga ti wona kwangu, ngu ti mi fanelako ku ti maha. Txizimu txa kudikha txi nave ni nanu.

Isaya 43:5

U nga thave koko, nguko ni ni nawe, ni na wuyisa vanana vako ngu wutxani, ni kusengeleta kukhukhela mswa-ditambo.

Isaya 43:2

Ngako u txi txhatuka matini, ni na va ni nawe, hambi u txi txhatuka minambo, kha yi na mbi kumita; ngako u txi pinda ngu ha mndiloni, khu na mbi hya, hambi m'dhikila kha wu na mbi kuhisa.

Masalmo 32:8

“Ni na kugondisa ni txi kukomba nzila yi u fanelako ku yi londeta; ni na kutsimbitisa ni si leki ku kulwela.

Genesisi 39:21

Mkoma a ti ti kumweko ni Josefa, a txi telwa ngu wumbilu ngu ngene, a txi maha ti to e mana mathomo, masoni ka mxayisi wa mkora.

Genesisi 39:2

Mkoma a ti ti ni Josefa, ngu mhaka yeto, totshe takwe ti ti tsimbila kha kwati, e zumba a txi thumela nyumbani ka nyamne wakwe wa Muegipta.

Genesisi 26:14

Ene a ti ni mitxhambi ya tinvuta, tihomu to tala ni sithumi sasingi. Ngu mhaka ya toneto, Vafilista va to khata ku m'bavela.

Genesisi 26:12

Isaake a dimile e phaya ka ditiko dile, se a txi elula ka dona dilembe dile, so pinda ngu 100 ka sile a nga phaya, nguko Mkoma a mkatekisile.

Vahebheru 6:17

Se, ngu kulava kukombisa ta tinene ka vadyi va thomba, ti to txithembiso txa Txizimu kha txi na mbi tshumelela msana, txona Txizimu txi to tsanisa txithembiso ngu kuxambanya.

Mika 7:20

Jakobe a na mninga kuthemba, se Abrahamu a na mninga wunene wule a nga xambanya ka vatate vathu, kukhukhela ka masiku a kale.

Masalmo 39:12

Mkoma, engisa mkombelo wangu, riya nzeve u txi engisa miketo yangu! U nga ti hunde, ngako u txi pfa kudila kwangu. Masoni kwako ani ni nyamtangumo, ni mpindi kufana ni votshe vakale vangu.

Genesisi 25:11

Msana ka kufa ka Abrahamu, Txizimu txi katekisile mwanakwe Isaake; Isaake a ti ti akile hafuhi ni Bheheri-Lahayi-Royi.

Genesisi 26:24

Se Mkoma a to woneka kwakwe ka wona wusiku wule, e m'gela tiya: “Ani ngani Txizimu txa Abrahamu, tate wako; u nga thave txilo, nguko ani nipune ni ni nawe. Ani ni na kukatekisa, ni na andisa liveleko lako, ngu mhaka ya Abrahamu txithumi txangu.”

Genesisi 28:13

Ngu txitimwi ka dinera Mkoma a ti emile, se, a txi khene: “Ani ngani Mkoma, Txizimu txa Abrahamu, tate wako, ni Txizimu txa Isaake. Ditiko di u nga otela ka dona, ani ni na di ningela kwako ni ka liveleko lako.

Genesisi 31:3

Mkoma Txizimu a wombile ka Jakobe, a txi khene: “Tshumela u txi tsula ditikoni ka vatate vako, mwani kwanu, ani ni na va ni nawe.”

Genesisi 35:12

Ani na kuninga ditiko di ni nga ninga Abrahamu ni Isaake, ni ka liveleko lako; ali li no maneka msana kwako.”

Genesisi 48:21

Msana keto, Israyeli a wombile ka Josefa, a txi khene: Ani ni hafuhi ni kufa, kambe Txizimu txi na va ni nanu, txona txi na mi tshumeta mi tsula ditikoni ka vakokwani vanu.

Genesisi 50:24

Ngu kugwita, Josefa a wombile ka vanawe, a txi khene: Ani na fa, aniko Txizimu txi na mi endela txi hulukisa mi khukha ka diya ditiko, txi mi yisa ka ditiko di txona Txizimu txi nga thembisa, ngu txixambanyo ka Abrahamu, ka Isaake ni ka Jakobe.

Eksodha 6:4

Kambe ni emisile txitumelano txangu navo, kasi kuvaninga ditiko da Kanana, ditiko di va nga zumba ka dona kota valuveli.

Eksodha 6:8

Ngu msana ani ni na mi yisa ka ditiko di ni nga thembisa ngu txixambanyo ka Abrahamu, ka Isaake ni ka Jakobe; kambe ni na mi ninga di txi maha thomba yanu; ani ngani Mkoma.

Dhewuteronome 1:8

Ngu diya ditiko di ani ni nga mi ninga; wulelani ka dona mi txi di fuma, adi Mkoma, ngu txixambanyo, a nga thembisa ku di ningela ka vatate vanu, Abrahamu, Isaake ni Jakobe, se ngu msana kwawe di na va i di da situkulwana sawe.

Dhewuteronome 34:4

Se Mkoma a to m'gela a txi khene: Adiya, ditiko di ni nga thembisa ngu txixambanyo ka Abrahamu, ka Isaake, ni ka Jakobe, ni txi khani: “Ani ni na di ningela ka liveleko lako! Ani ni di kombisile kwako, kasi ku u na di wona ngu maso ako, kambe awe khu na mbi wulela ka dona.”

1 Makronika 16:16

ka txitumelelano txi a nga txi maha ni Abrahamu, ni ka txixambanyo takwe ka Isaake;

Genesisi 17:19

Txizimu txi to mxamula txi txi kha tona: “Ahim-him msikati wako Sara ngene a no kuvelekela mwanana wa mfana, se awe u na mraya ditina daku i Isaake, ni na emisa Txitumelelano nayo, atxi txi no va Txitumelelano txo mbi guma, kasiku ni va Txizimu txakwe, ni txa lotshe liveleko lakwe, msana kwakwe.”

Eksodha 2:24

Se Txizimu txi engisile kudila kwawe, Txizimu txi to alakanya txitumelelano txi txi nga txi maha ni Abrahamu, ni Isaake ni Jakobe.

Eksodha 3:12

Txizimu txi ti kha txona: Ngu ditshuri ani ni na va ni nawe; ngu txiya txikombiso txi no komba ti to ani ni kurumile: Ngako u di humisile vathu vangu ngu Egipta, anu mi nata khozela Txizimu ka mmango wuwa.

Eksodha 6:7

Ni na mi maha vathu vangu, se ani ni na va Mkoma Txizimu txanu, ni mi humisako ka mikaralo ya ditikoni ka Egipta.

Mitengo 23:19

Txizimu kha txi na makuhu nga m'thu. Lambi, txona hi nga mwanana wa m'thu wo txitxa-txitxa. Txizimu hi nga txo womba dwe txi si mahi, ina kha txi mahi ti txi nga womba kani? Kasi hi nga txo womba ti txi tatiseka kani?

Masalmo 105:8

Mkoma wa alakanya yotshe mbimo txitumelelano txi a nga tximaha, txitumelelano txi a nga xambanya ku txi veketa ka tiveleko ta magumi a mazana.