Genesisi 26:22 - Bhiblia Yo Sawuleka

²² Ti di ngeto, Isaake a to khukha hale, eya kela tximwani txisima, aha ku nga mbi va ni kuphikizana, se e txi dhana ku i Rehobhoti, a txi khene: “Nguko Mkoma a hi ningile wukhalo wo thandawuka, se hi na velekela ditikoni muwa.”

Genesisi 26:22 Referans Kwoze

Eksodha 1:7

vanana va ka Israyeli va to velekelana ve anda ngutu; kambe va manekile va txi tala, ni kuva ni mtamo, aha koza ditiko da Egipta di txi tala ngutu ngu vona.

Genesisi 17:6

Ani ni na andisa ngutu liveleko lako, ngu ngawe ni na tumbulukisa mifumo yo tala, hambi vafumeli va na humela kwako.

Masalmo 118:5

Kupandisekani kwangu ni khongete ka Mkoma; se Mkoma a ni engisile a txi ni hanyisa.

Genesisi 41:52

Mwanana wa wumbidi, a mrayile ditina daku i Efrayime, a txi khene: “Txizimu txi ni mahile ni anda ngu vanana ditikoni muwa ka kuxupheka kwangu.”

Masalmo 18:19

A ni yisile ka wukhalo wo mbi na phango, a ni hulukisile nguko ene wa ni randa.

Masalmo 4:1

Awe Txizimu, mlweli wa tifanelo tangu, ni xamule ni txi kudhana! Awe ngawe u nga ni hulukisa ka sikarato, telwa ngu wumbilu ngu ngani, u txi engisa mkombelo wangu.

Genesisi 28:3

Txizimu txa mtamo wotshe txi na ku katekise, txi txi kuninga liveleko lo tala, u txi anda, u txi maha tate wa tihunzu to mbi balwa.

Genesisi 26:21

Sekoko va to kela tximwani txisima, aho nikona, ku mahekile diguwa da kuphikizana ngu mhaka ya txisima; Isaake a txi rayile ditina daku, i Sitina.

Isaya 54:2

Engetela wukhalo wa ditenda dako se mijiyo ya tinyumba tako, yi na nawuluke; u nga ma tsimbisele; laphisa tingoti tako, kambe tsanisa kha kwati timphande ta kona.

Isaya 54:3

Nguko u na nava u txiya ka dianza da txinene, se liveleko lako li na lumbwa ngu matiko, li txi wusa madhoropa ale ma nga sala i di marumbi.

Masalmo 119:32

Ni na khutalela kuvekisa sirumo sako, nguko atiya ti na ni ninga wuzivi wa hombe.