Genesisi 26:18 - Bhiblia Yo Sawuleka

¹⁸ Isaake a to kuha sisima si si nga ti ketwe ngu sithumi sa Abrahamu tate wakwe, asi Vafilista va nga ti si kuletete, msana ka kufa ka Abrahamu, se va to si ninga kambe ona matina ale tate wakwe a nga ti si ningile.

Genesisi 26:18 Referans Kwoze

Zakariya 13:2

Se ku na maheka ka ditshiku donedo, kuwomba Mkoma wa Mabutho a Tiyimbi, ti to ni thavisa matina a sithombe ha mafuni, kha va na mbi ngadi ve si alakanya kambe; niku ni tovela vaprofeti, ni moya wa kwa mbi sawuleka ha ditikoni.

Hoseya 2:17

Ni na thavisa matina a va ka bhahali txisofuni kwako, ni matina awe kha ma na mbi khumbukwa kambe.

Masalmo 16:4

Kupanda ku na engetelana ka vale va ningelako miningelo ka simwani sizimu; Ani kha ni na mbi patana navo ka timhamba tawe ta mnoha, hambi kukhumbuka matina awe ngu txisofu txangu.

Mitengo 32:38

Se, Nebho, ni Bhahali-Meyoni, va txitxile matina, ni Sibhima. Se ve ninga mamwani matina, ka madhoropa awa va nga ma aketa.

Genesisi 21:31

Ngu mhaka yeto wukhalo wule va to wu dhana ku i Bherisebha, nguko va xambanyile koneho ngu wumbidi wawe.

Genesisi 21:25

Abrahamu a to sola Abhimeleki ngu mhaka ya txisima txiya sithumi Abhimeleki si nga ti m'honyote ngu txieyiso.

Genesisi 26:17

Sekoko Isaake a to khukha konaho, eya zima matenda akwe mkovani ka Gerara, e zumba kona.

Genesisi 26:19

Sithumi sa Isaake si to kela mu mkovani, se si tumbula txisima txa mati o khulunga.

2 Makronika 26:10

A to aka mikhokhola ya hombe txivulani, a to kela sisima sasingi, nguko a ti ti ni sifuyo so tala mikovani ni tibalani; ni vadimi va tithembwe ta mivhinya, mimangoni ni ka tithembwe to nona, nguko a ti ti dhunda ngutu kudima.

Genesisi 21:30

Abrahamu a to xamula a txi khene: “Amukela sinvutana siya sa mtxhanu ni simbidi ni ku ningako ngu manza angu, kasiku si maha txikombiso txa ku ni fakazela ku ngani ni nga kela txisima txiya.”