Genesisi 26:12 - Bhiblia Yo Sawuleka

¹² Isaake a dimile e phaya ka ditiko dile, se a txi elula ka dona dilembe dile, so pinda ngu 100 ka sile a nga phaya, nguko Mkoma a mkatekisile.

Genesisi 26:12 Referans Kwoze

Genesisi 26:3

U nga sikota kuaka ka ditiko diya, ani ni na va ni nawe, kambe ni na kukatekisa. Nguko otshe matiko awa ni na kuninga awe ni liveleko lako, ni txi hetisa txixambanyo txi ni nga txi maha ka Abrahamu, tate wako.

Marku 4:8

Timwani timbewu ti to wela ka mafu amanene, ti txi mila, ti txi kula, ti txi veleka: Yimweyo yi veleka magumi mararu, yimwani mtxhanu wa magumi ni dimwedo, yimwani dizana.”

Ekleziyaste 11:6

Phaya mbewu yako i di ngadi mixo, se ni mitshikari, u nga khalahatshe ngu mawoko, nguko khu ti zivi to ku na mila yihi; mwendo ku na mila yiya, mwendo yile, mwendo kambe ti na mila ngu wumbidi wa tona.

Masalmo 67:6

Sekoko mafu ma humisa mihando ya ona; kambe Txizimu, Txizimu txathu, txa hi katekisa!

Genesisi 24:35

Mkoma a katekisile ngutu nyamne wangu, e maha nyatithombe wa hombe: A mningile tinvuta ni tihomu, silivhela ni nzalama, sithumi sa txiwamna ni sa txisikati, makamelu ni timbongola.”

Genesisi 24:1

Abrahamu koko a ti ti kumbile ngutu, a ti ni malembe o tala; se Mkoma a katekisile Abrahamu ka totshe.

1 Vakorinto 3:6

Ani ni phayile, Apolosi asi theletete mati, aniko Txizimu ngu txona txi nga si kulisa.

Zakariya 8:12

Nguko mbewu yi na humelela, se m'vhinya wu na veka mihando ya wona, mafu ma na ninga sasiphya, nzuma yi na nisa hunguva ya yona; se ni na maha taku miboti ya vathu vava, yi mana yotshe thomba yiya.

Jobe 42:12

Mkoma a to katekisa Jobe ka masiku akwe a maphya, kupinda o khata; nguko a vile ni 14.000 wa tinvuta, ni 6.000 wa makamelu, ni 1.000 wa mipatwa ya tihomu, ni 1.000 wa timbongola.

Genesisi 30:30

Nguko asi sa sidotho u nga ti naso ni sinzi kuta, si engetetwe ngutu; ni Txizimu txi kukatekisile ngu mhaka yangu. Se konkuwa, ngu yihi mbimo ni no khata ngu yona kuthumela mwaya wangu kani?”

Matewu 13:8

Yimwani, ngu kugwitisa, yi to wela ka mafu amanene yi veleka mihando: Nyingi yimweyo yi veleka dizana, yimwani mtxhanu wa magumi ni dimwedo, yimwani makumararu.

Masalmo 72:16

Ditiko di na talelwe ngu kupfuna ka fulaho, ayi yi zinginikelako txitimwi ka situnga, yi veleka mihando kufana ni Libhanoni ava va nga aka madhoropani va na rumbuka kufana ni mwasi wu nga mila ha mafuni!

Matewu 13:23

Ani wule a nga amukela mbewu ka mafu amanene, ngu wule a engisako dipswi, e di veketa; eyo ngene a velekako mihando, ahawa a txi veleka dizana, ahawa mtxhanu wa magumi ni dimwedo, ahawa makumararu.”

Genesisi 26:29

Hi thembise ti to khu na mbi hi mahela kubiha ni ka kudotho, nga ti nathu hi nga mbi kukaratisa, hi kuleka u khukha ngu kuthutha. Se u katekisilwe ngu Mkoma Txizimu.”

Mavingu 10:22

Txikatekiso txa Mkoma ngu txona txi ningako thomba ka m'thu, kambe ene kha na kuengetela txilo.

Genesisi 25:11

Msana ka kufa ka Abrahamu, Txizimu txi katekisile mwanakwe Isaake; Isaake a ti ti akile hafuhi ni Bheheri-Lahayi-Royi.