Genesisi 25:33 - Bhiblia Yo Sawuleka

³³ Sekoko Jakobe a to khene: “Khata ngu kuxambanya.” Esawu a to xambanya, e xavisa wutiwula wakwe ka Jakobe.

Genesisi 25:33 Referans Kwoze

Vahebheru 12:16

Ku nga ve ni wammweyo wa wugango mwendo awu a nyenyezisako sa kusawuleka nga Esawu, awu a nga xavisa wutiwula wakwe ngu mbiya ya sakudya.

Vahebheru 6:16

Vathu va xambanya ngu ditina da wu i ku wa hombe kwawe, kotshe kukanetana kuguma ngu kuxambanya ko tsana.

Genesisi 27:36

Sekoko Esawu a to engeta, a txi khene: “Kha ditshuri, ngu tona tiya va nga mraya ngu tona ditina daku i Jakobe, nguko se nda wumbidi a txi ni dyelela. Kukhata a tekile wutiwula wangu, se konkuwa a tekile txikatekiso txangu.” Se a txi sanzekela mapswi a ku khene: “Ina khwa ni siyela ni txa tximwetxo txikatekiso kani?”

Marku 6:23

A to xambanya a txi khene: “Atxi u no kombela txona, ni na kuninga, hambi i di ku kubhandela mfumo wangu ngu hagari.”

Genesisi 24:3

kasi ku ni txi ku xambanyisa ngu Mkoma, Txizimu txa nzuma ni mafu, ti to u nga thuke u txi lowolela msikati mwanana wangu, hagari ka mahorana a Vakanana, ava ni nga zumba hagari kwawe;

Genesisi 14:22

Aniko Abramu a xamute ka mfumeli wa Sodhoma, a txi khene: “Na xambanya ngu kugula dianza dangu masoni ka Txizimu Nyatxitimwi, i ku M'vangi wa nzuma ni mafu,

Genesisi 25:32

Se Esawu a to khene: “Eko ni no fa ngu nzala; wu na ni vhuna txani wutiwula kani?”

Genesisi 25:34

Jakobe koko a to ningela dipawu, ni sakudya so bhilivila ka Esawu; a to dya e sela, a txi khukha e tsula. Ngu kumaha keto, Esawu a to txhipisa fanelo ya wutiwula wakwe.

Genesisi 27:1

Se Isaake a ti kumbile, ni maso akwe ma ti ti pfhupete aha koza ma si woni txilo, a to dhana Esawu, mwanana wakwe wa mkoma, a txi m'gela yiya: “Mwanangu!” Ene a to xamula, a txi khene: “Niho hawa.”

Genesisi 27:32

Isaake, tate wakwe, a to muwotisa, a txi khene: “Ngawe mani kani?” Esawu a to xamula, a txi khene: “Ngani Esawu, mwanana wako wa matiwula.”