Genesisi 25:31 - Bhiblia Yo Sawuleka

³¹ Sekoko Jakobe a to khene: “Khata ngu ku ni xavisela fanelo ya wutiwula wako.”

Genesisi 25:31 Referans Kwoze

Genesisi 25:30

Se Esawu a to khene ka Jakobe: “Na ku kombela nihe sakudyeso so bhilivila ni txi dya, nguko ni wuya ni di karate.” Ngu toneto, Esawu a nga ningwa ditina daku i Edhomi.

Genesisi 25:32

Se Esawu a to khene: “Eko ni no fa ngu nzala; wu na ni vhuna txani wutiwula kani?”

Dhewuteronome 21:16

ku na maheka taku, ka ditshiku dile a no abanisela thomba ka vanana vakwe, a nga thangetise mwanana wa wule a mrandako, masoni ka mwanana wa matiwula a wule asi mrandiko.

Dhewuteronome 21:17

A na ninge wukhalo mwanana wa matiwula wa wule asi mrandiko, ngu kuva a txi mninga syavelo simbidi sa thomba, ya sotshe sile a ku naso, nguko eyo ngene i ku makhato a mtamo wakwe, ngene a ku ni fanelo ya wutiwula, wu wu mlumbako.

1 Makronika 5:1

Ka vanana va Rubheni, matiwula a Israyeli (nguko ene i ti ti matiwula, kambe ngu mhaka ya kule a nga nyenyezisa m'bhedhu wa tate wakwe, va ningete wutiwula wakwe ka vanana va Josefa, mwanana wa Israyeli; kasi ku asi balwi ka liveleko la matiwula.

1 Makronika 5:2

Nguko Judha i ti ti wa hombe hagari ka vanawe, se ngu kwakwe, ku to huma mthangeli; kambe wutiwula i ti wa Josefa),

Genesisi 27:36

Sekoko Esawu a to engeta, a txi khene: “Kha ditshuri, ngu tona tiya va nga mraya ngu tona ditina daku i Jakobe, nguko se nda wumbidi a txi ni dyelela. Kukhata a tekile wutiwula wangu, se konkuwa a tekile txikatekiso txangu.” Se a txi sanzekela mapswi a ku khene: “Ina khwa ni siyela ni txa tximwetxo txikatekiso kani?”

Genesisi 32:28

Sekoko ene a to khene: “Khu na mbiswa u txi dhanwa to u Jakobe, aniko u na dhanwa ku u Israyeli, nguko u lwite ni Txizimu ni vathu, kambe u xute.”

Vahebheru 12:16

Ku nga ve ni wammweyo wa wugango mwendo awu a nyenyezisako sa kusawuleka nga Esawu, awu a nga xavisa wutiwula wakwe ngu mbiya ya sakudya.