Genesisi 25:30 - Bhiblia Yo Sawuleka

³⁰ Se Esawu a to khene ka Jakobe: “Na ku kombela nihe sakudyeso so bhilivila ni txi dya, nguko ni wuya ni di karate.” Ngu toneto, Esawu a nga ningwa ditina daku i Edhomi.

Genesisi 25:30 Referans Kwoze

2 Vafumeli 8:20

Ka masiku a kufuma ka Jehoramu, va ka Edhomi va to lwisa mfumo wa ka Judha, se ve ti vekela mfumeli txitimwi kwawe.

Dhewuteronome 23:7

U nga nyenye muedhomi, nguko i mwananu; hambi kunyenye Muegipta, nguko u ti ti mluveli ditikoni kwawe.

Eksodha 15:15

Sekoko vathangeli va Edhomi va na dhukiswa; ka vale va mtamo ngutu va Mowabhi, va na talelwa ngu kuthava votshe vazumbi Vakanana va na guma mtamo.

Genesisi 36:43

mthangeli Magidhiyeli, mthangeli Irani, avava ngu vona vathangeli va ka Edhomi, madingano ni tinyumba tawe, ka ditiko di i kuthomba yawe; awuwa i Esawu, tate wa Edhomi.

Genesisi 36:9

Ngu liya liveleko la Esawu, mkale wa Vaedhomi, awu a ngu aka mmangoni ka Seyiri.

Genesisi 36:1

Ngu liya liveleko la Esawu (i ku Edhomi).

Genesisi 25:29

Jakobe a ti ti bhikile sakudya, Esawu a to wuya ngu txitingani, a di karate.

Genesisi 25:31

Sekoko Jakobe a to khene: “Khata ngu ku ni xavisela fanelo ya wutiwula wako.”

Genesisi 32:3

Jakobe a to ruma mitumi yakwe, e yi thangetisa masoni kwakwe, yi txi ya ka mwanawe Esawu, ditikoni ka Seyiri, ditikoni ka Edhomi.

Jeremiya 49:7

Txisolo xungetano ni Edhomi. Mkoma wa Mabutho a Tiyimbi a womba tiya: Ku ngava ku si ngadi ni wutxhari Temani kani? Ina si lovile silayelo sa titxhari kani? Wu bhirete wutxhari wawe kani?

Genesisi 32:4

A to va leleta, a txi khene: “Mi na ya womba ka Esawu, mkomwangu, mi txi khanu: Txithumi txako Jakobe, a womba tiya: Ni zumbile m'tini ka Labhani kota muwuyi, kala kuwa.

Genesisi 36:8

Ngu mhaka yeto Esawu i ku Edhomi, a to aka mmangoni ka Seyiri.

Genesisi 36:19

Evo mbanana va Esawu, i ku ene Edhomi ni tinduna tawe.

Obhadhiya 1:1

Txiwoniso txa Obhadhiya: Mkoma Txizimu a womba tiya madingano ni Edhomi: Hi pfite txhumayelo ya Mkoma, ni ku kurumetwe txirumwa ka matiko, kuya womba tiya: “Khukhani, hi khukhela kulwa ni Edhomi.”