Genesisi 25:3 - Bhiblia Yo Sawuleka

³ Jokisani a velekile Sabha ni Dhedhani; vanana va Dhedhani ngu vava: Asurime ni Latorime ni Lowomime.

Genesisi 25:3 Referans Kwoze

Ezekhiyele 25:13

ngu tona eto, Mkoma Txizimu a khene: Ni na nawuluta dianza do wukela Edhomi, kambe ni na dayela kwakwe vathu ni sihari; kambe ni na di maha txiwula, kukhukhela Temani kala Dhedhani, va na dawa ngu ditxhari.

Ezekhiyele 27:20

Dhedhani a ti ti xaviselana ni nawe ngu tinguwo ta lisima to veka ha ka txikotxikani.

Ezekhiyele 27:6

Madhavi ako ngo mahwa ngu mikusu ya Bhasani; Vasiriya va ku tshurisete ngu makwasa a tinzofu ta sitondoloni ka Ketiyini.

Jeremiya 49:8

Pfhukani, wuyani, zumbani kusisalani, anu mi zumbako Dhedhani, nguko ni wuyisile kwakwe dirumbi da Esawu, mbimo yile ni nga mu endela.

Jeremiya 25:23

ni Dhedhani, ni Tema, ni Bhuzi, ni votshe vale va zumbako magwito ka makhona a ditiko;

Jobe 6:19

Avale va tsimbilelako Tema, va si wona, vaendi va Sabha va sikota ku si wona.

1 Vafumeli 10:1

Se mbimo yile mfumeli wa txisikati wa Sabha a nga pfa nduma ya Solomoni, madingano ni ditina da Mkoma, a tile e ta m'hika ngu siwotiso so karata.

Masalmo 72:10

Vafumeli va Tarxixi ni va sitondolo va na m'luva; vafumeli va Sabha ni va Sebha va na rumela tinduvo!

2 Samuwele 2:9

Se a to m'veka kuva mfumeli txitimwi ka Gileyadhi, ni txitimwi ka Asuri, ni txitimwi ka Jezireyeli, ni txitimwi ka Efrayime, ni txitimwi ka Bhenjamini, ni txitimwi ka votshe va ka Israyeli.

Genesisi 25:2

Ketura a to m'velekela vanana vava: Zamirani, Jokisani, Madhani, Midhiyani, Jesibhoke ni Xuwa.

Genesisi 25:4

Vanana va Midhiyani ngu vava: Efa, ni Eferi, ni Enoki, ni Abhidha, ni Elidha. Votshe vava mbanana va Ketura.

Isaya 60:6

Mitxhambi yo tala ya makamelu yi na ku fenengeta, a kuta ngu Midhiyani ni Efa; yotshe yi nata ngu Sabha, ya nata ni nzalama ni dibaselo, ve nuwela wudhumo wa Mkoma.

Isaya 21:13

Mahungu o wukela Arabhiya. Ni wusiku mi na ya gova sitingani ka Arabhiya, anu vapfhumba va ka Dhedhani.

Ezekhiyele 27:15

Vanana va Dhedhani i ti ti vaxavi vako; sitondolo sasingi i ti ti makhalo a wukwewu wako; sitondolo sasingi i ti ti dibhindu da manza ako; va ti ti kuninga siningo sa makwasa a tinzofu ni mapulango a mtima.