Genesisi 25:23 - Bhiblia Yo Sawuleka

²³ se Mkoma a to mxamula a txi khene: “Mndani kwako ku ni matiko mambidi, se tihunzu timbidi ti na abaneka mndani kwako: Lihunzu limwelo li nava ni mtamo kupinda limwani, mkoma wa kona a na khoziswa ngu mnada wakwe.”

Genesisi 25:23 Referans Kwoze

Genesisi 27:40

Awe u na hanya ngu ditxhari dako, u na thumela mnanda wako. Ku na maheka taku, mbimo yi u no ti txhatxhisa, sekoko u na funya dikange thamoni kwako.”

Genesisi 27:29

Vathu va na kuthumele, mifumo yi na khizame masoni kwako. Maha mfumeli wa vananu, va na khizame masoni kwako vanana va mame wako. A na ruketelwe awule a no kuruketela, a na katekiswe awule a no kukatekisa.”

2 Samuwele 8:14

Se a to veka vawoneleli kona Edhomi, ka dotshe ditiko da Edhomi a to veka vawoneleli, se votshe va ka Edhomi va to maha sithumi sa Dhavhidha; se Mkoma a to vhunetela Dhavhidha kotshe mu a nga ti ti ya kona.

1 Makronika 18:13

Se a to veka vawoneleli, kona Edhomi, se votshe va ka Edhomi va to maha tikhumbi ta Dhavhidha; kambe Mkoma a to xayisa Dhavhidha, kotshe amu a nga ti ti ya kona.

Genesisi 24:60

Va to katekisa Rebheka, va txi kha vona kwakwe: “Awe ndiyathu veleka magumi a mazana a magumi a mazana, liveleko lako li na xule valala va lona.”

Genesisi 17:16

Ani ni na mkatekisa, kambe ngu ngene ni na kuninga mwanana wa dizambi, ani ni na mkatekisa ene a na va mame wa mifumo, ngu kwakwe ku na huma vafumeli va vathu.”

Mitengo 20:14

Mbimo si va ngadi Kadhesi, Mosi a to ruma mitumi ka mfumeli wa Edhomi, a txi khene: Mwananu Israyeli a khene: Awe wa ziva sotshe sikarato si hi nga humelwa ngu sona.

1 Vafumeli 22:47

Kambe a tutumisile ditikoni vafana vale va nga ti sate ka mbimo ya tate wakwe Asa, va txi maha wugelegele.

Genesisi 36:31

Ngu vava vafumeli va va nga fuma ditikoni ka Edhomi, na kusanzi kufumwa ngu mfumeli wa ka Israyeli.

Genesisi 33:3

Ene a to thangela masoni kwawe votshe. Se mtxhanu wa sikhati ni simbidi a to khizama hahatshi, a sanzi kuhokela mkomwakwe.

Genesisi 25:27

Vanana va manekile va txi kula. Esawu i ti ti mxoti wa hombe, a txi zumbela txitingani; Jakobe i ti ti m'thu wo thutha, a ti ti zumbela matendani.

Genesisi 17:4

“Ngu didhawa dangu, nditxe txitumelelano txi ni txi mahako ni nawe, u na va tate wa matiko o tala.

Genesisi 32:6

Mitumi yi to wuya ka Jakobe yi ta womba tiya: “Hi hokile ka mkomwako Esawu. Se nene wata, wa kuhingeta, ana ni 400 wa vavamna.”

Genesisi 25:24

Ngako ku di hokile mbimo ya kuhefemula, ku to huma mahasa.

Genesisi 27:33

Sekoko Isaake a to dhudhumela ngu kuhenya ka hombe ngutu, a txi khene: “I mani koko wule a nga xota nyama a txi ta ni ninga kani? Ani ni dyite sotshe na u sanzi kubwaka, se ni mkatekisile, kambe a na va a di katekile.”

Dhewuteronome 2:4

Leleta vathu u txi khawe: Anu mi na pinda ngu ka ditiko da vananu, i ku vanana va Esawu, avale va nga aka Seyiri; se vona va na mi thava, kambe mi fanate kutiwonela ngutu;

Dhewuteronome 2:8

Hi tshawunyetile ditikoni ka vanathu, i ku vanana va Esawu, avale va nga aka Seyiri, hi pindile ngu nzila ya Elate, ni ya Eziyoni-Gebhera. Ngu msana, hi to tshembereka, hi teka nzila ya txiwulani ka Mowabhi.

Genesisi 27:37

Sekoko Isaake, a to xamula ka Esawu, a txi khene: “Ani ni mmahile mfumeli wako, ni mningile votshe vanana-kulowe, ti to ve maha sithumi sakwe, ni mningile kambe fulaho ni vhinya. Se ni nga ku mahela txani kambe nawe, mwanangu, kani?”

Genesisi 48:19

Aniko tate wakwe a to lamba, a txi khene: Ani na tiziva mwanangu, na tiziva; nene a na anda, kambe a na maha wa hombe; hambi keto, mnanda wakwe a na va i di wa hombe kupinda ene, ni liveleko lakwe li na maha mifumo yo tala.

1 Samuwele 17:14

Dhavhidha i ti mnanda ka vona, se vakomwakwe va vararu va to londeta Sawule.

Obhadhiya 1:21

Se ku na wuka vahanyisi mmangoni ka Siyoni, ku ta thethisa va mmangoni ka Esawu; se wukoma wu na va wa Mkoma.