Genesisi 25:22 - Bhiblia Yo Sawuleka

²² Se vanana va ti ti lwa mndani kwakwe; sekoko a to khene: “Ngako i di tona tiya, ni ngava ni txi hanyela txani kani?” Konako a to ya wotisa ka Mkoma;

Genesisi 25:22 Referans Kwoze

1 Samuwele 9:9

(Kale ditikoni ka Israyeli, ngako va txi ya wotisa ka Txizimu, va ti ti kha vona: Ngonani, hi tsimbile ka m'huti; nguko ka mprofeti wa nyamsi kale a ti dhanwa ku m'huti.)

Ezekhiyele 20:31

Se mbimo yi mi ningelako miningelo yanu, kambe mi pindisa vanana vanu ngu ha mndiloni, ina hi nga ku mi nga ti nyenyezisa ngu sithombe sanu kala ka ditshiku diya kani? Se mi ndi na ni wotisa ta txani, anu va nyumba ya ka Israyeli kani? Na hanya ani, kuwomba Mkoma Txizimu, taku anu kha mi na mbi ni wotisa txilo.

1 Samuwele 30:8

Sekoko Dhavhidha a to wotisa ka Mkoma a txi khene: Ina ni nga wulondeta mtxawa wuwa wa masotxhwa kani? Ina na wu mana kani? Se Mkoma a to m'gela ku khene: Wu londete, nguko ngu ditshuri u na wu mana kambe u txhatxhisa sotshe.

1 Samuwele 28:6

Se Sawule a to wotisa ka Mkoma, kambe Mkoma kha mxamula, hambi ngu miloro, mwendo ngu tixolo, hambi ngu vaprofeti.

1 Samuwele 10:22

Sekoko va to wotisa kambe ka Mkoma tito: M'thu wule a nata kambe hale kani? Se Mkoma a to xamula ku khene: Diyole, a baramile hagari ka thundu.

Ezekhiyele 36:37

Mkoma Txizimu a khene: Kambe ngu mhaka ya tona eto, nyumba ya ka Israyeli yi na ni kombela, ati to ni txi yi mahela: Kuandisa vathu va yona, kufana ni mtxhambi.

1 Samuwele 22:15

Ina no khata nyamsi ku mwotisela ka Txizimu kani? Yi nave kule ni nani mhakeyo! Mfumeli a nga veke mnandu ni wawumwewo ka txithumi txakwe, hambi ka votshe va nyumba ya tate wangu, nguko txithumi txako kha txya ziva txilo ka totshe timhaketo, tatingi mwendo ta tidotho.