Genesisi 25:20 - Bhiblia Yo Sawuleka

²⁰ Isaake a ti ni mune wa magumi a malembe, mbimo yi a nga tekana ni Rebheka, mwana Bhetuweli, muaramu, wa Padhani-Aramu, ndiya ya Labhani, muaramu nene.

Genesisi 25:20 Referans Kwoze

Genesisi 24:29

Rebheka a ti ni ndiya yi nga ti dhanwa ku i Labani. Se Labhani, a txi hingeta wamwamna txisimani.

Genesisi 24:67

Isaake a to wuleta Rebheka nyumbani ka mame wakwe, Sara, a txi mu amukela Rebheka kuva msikati wakwe, a txi mranda. Se Isaake a to mana mthaveleli wa mbilu yakwe, ene se a nga ti fetwe ngu mame wakwe.

Genesisi 22:23

Se Bhetuweli a to veleka Rebheka; ngu vava va mtxhanu ni vararu, Milka a nga velekela Nahori, mwanawe Abrahamu.

Dhewuteronome 26:5

Sekoko awe u na womba ka Mkoma, Txizimu txako, u txi khawe: “Tate wangu, i ti Muaramu wa mpepeseki, ene a relete ditikoni ka Egipta, a txi ya aka kona, a di ni vathu vavadotho; ngu msana a mahile mfumo wa hombe, wa mtamo, wa vathu votala.

Genesisi 31:24

Txizimu txi to endela Labhani, muaramu ngu mloro wa wusiku, txi txi m'gela tiya: “Ti wonele, u nga thuke u txi womba txilo ka Jakobe, mwendo txo biha, mwendo txa txinene.”

Genesisi 31:20

Jakobe a to kanganyisa Labhani Muaramu, a sikombi ti to a lava kuthava.

Genesisi 31:18

A txi gola wotshe mtxhambi wakwe wa sifuyo, ni sotshe simaha si si nga ti mlumba, wotshe mtxhambi wu i nga ti wakwe, awu a nga ya wu mana ditikoni ka Padhani-Aramu e tsula ka Isaake tate wakwe, ditikoni ka Kanana.

Luka 4:27

Va ti ti ho kambe vathu va tshekela ditikoni ka Israyeli, mbimo ya mprofeti Elixa, aniko kha basiswa ni wammweyo kwawe, hahanze ka Nahanani wa Msiriya.”

Genesisi 35:9

Txizimu txi to humelela kambe ka Jakobe, na ene a txi ta ngu Padhani-Aramu, txi txi mkatekisa.

Genesisi 24:15

A txi ngadi e womba-womba, ku to bwaka Rebheka, mwana Bhetuweli, wa mwana Milka, msikati wa Nahori, mwanawe wa Abrahamu, a di ni lidhuwa hadikata.

Genesisi 25:26

Ngu msana a to huma mnanda wakwe, dianza dakwe di ti ñote txizenende txa Esawu, e raywa ditina daku i Jakobe. Isaake a ti ti ni tanga ya mtxhanu wa magumi ni digumi dimwedo a malembe, mbimo yi Rebheka a nga veleka vanana.

Genesisi 28:2

Khukha u txi tsula Padhani-Aramu, nyumbani ka Bhetuweli, tate wa mame wako, u na ya langa kona msikati, hagari ka vanana va Labhani, ndiyakwe mame wako.

Genesisi 28:7

Jakobe a to engisa milayo ya tate wakwe ni ya mame wakwe, se e khukha a txi ya Padhani-Aramu.

Genesisi 33:18

Jakobe, ngako a di humile ngu Pedhani-Arani, a to hoka ngu kudikha didhoropani ka Sikemi, ditikoni ka Kanana, e gova, e gwimba ditenda dakwe, hafuhi ni didhoropa.

Genesisi 35:26

Vanana va Zelfa txithumi txa Leya ngu vava: Ghadhe ni Aseri. Evo mbanana va Jakobe va nga velekelwa Padhani-Aramu.

Genesisi 46:15

Evo mbanana va Leya, avale a nga velekela Jakobe ditikoni ka Padhani-Aramu, kumweko ni Dhina mwanana wakwe; votshe vanana vamajaha, ni vamahorana, magumi mararu ni vanana vararu.

Genesisi 27:43

Konkuwa, mwanangu, ni engise: Khukha, thava, u txi ya ka Labhani ndiyangu, ditikoni ka Harani;