Genesisi 25:2 - Bhiblia Yo Sawuleka

² Ketura a to m'velekela vanana vava: Zamirani, Jokisani, Madhani, Midhiyani, Jesibhoke ni Xuwa.

Genesisi 25:2 Referans Kwoze

Jeremiya 25:25

Zimiri, ni votshe vafumeli va Elame, ni votshe vafumeli va Medhiya;

Jobe 2:11

Va di ti pfite koko vangana vararu va Jobe totshe to biha ti nga maheka txitimwi kwakwe, mmweyo ni mmweyo a tile ngu ka wukhalo wakwe: Elifazi Mutemani, ni Bhilidhadhe Musuwita, ni Zofari Munamani, va tshanganile ve ta mtsetsa ni ku mthavelela.

Mitengo 31:8

Va to daya vamwani, kuleka vale va nga ti datwe, i ku vafumeli va Vamidhiyani, i ku Evhi, ni Rekemi, ni Zuri, ni Huri, ni Rebha, eko mtxhanu wa vafumeli va Vamidhiyani; ni Bhalahamu, mwana Bheyori, va nga m'daya ngu ditxhari.

Mitengo 31:2

Photela vanana va ka Israyeli ka Vamidhiyani; msana keto u na tsuliswa ka vathu vako.

Mitengo 22:4

Ngu kumaha keto, Mowabhi a to khene ka madhota a Vamidhiyani: “Wonani msengeletano wuwa, wu na dya sotshe si si nga hi rendelekela, ku nga tihomu tidyako mwasi wa txitinga. Ka yona yile mbimo, Bhalake, mwana Zipora, i ti mfumeli.”

Genesisi 37:36

Ti di ngeto, Vamidhiyani va to ya xavisa Josefa ditikoni ka Egipta, ka mfumeli Potifari, mthenwa wa Faro, i nga ti mthangeli wa vawoneleli.

Genesisi 37:28

Ku ti ngako vanyamabhindu va Midhiyani va txi pinda ngu hafuhi kwawe, vona va to humisa Josefa ngu mu diphalani, ve mxavisa Josefa ka va ka Ismayeli ngu magumi mambidi a maxekele a silivhela, se vanyamabhindu va to mteka, ve tsula nayo Egipta.

Genesisi 36:35

Se a di fite Husame, wukhalo wakwe wu to tekwa ngu Hadhadhe, mwana Bhadhadhe, wule a nga xula Vamidhiyani, ditikoni ka Mowabhi, a fumile na a txi zumba didhoropani ka Avhite.

Genesisi 25:1

Abrahamu a to teka mmwani msikati, a nga ti dhanwa ku i Ketura.

Genesisi 25:3

Jokisani a velekile Sabha ni Dhedhani; vanana va Dhedhani ngu vava: Asurime ni Latorime ni Lowomime.

1 Vafumeli 11:18

Se va to khukha Midhiyani ve ta Parani, ve ta xula votshe vavamna va Parani, se va tile Egipta ka Faro, mfumeli wa Egipta, awu a nga mninga nyumba, e mthembisa ku m'dyisa, e mninga mafu okari.