Genesisi 24:67 - Bhiblia Yo Sawuleka

⁶⁷ Isaake a to wuleta Rebheka nyumbani ka mame wakwe, Sara, a txi mu amukela Rebheka kuva msikati wakwe, a txi mranda. Se Isaake a to mana mthaveleli wa mbilu yakwe, ene se a nga ti fetwe ngu mame wakwe.

Genesisi 24:67 Referans Kwoze

Genesisi 38:12

Ngako ku di pindile masiku amangi, mwanana wa Suwa wa dihorana, i nga ti msikati wa Judha, a to fa. Se Judha a di gwitile madila, a to ya Timina ni Hira, mndoni wakwe wa Adhulamu, kasi ta kuya kaya tinvuta takwe.

Genesisi 37:35

Vanana vakwe votshe vamajaha ni vamahorana va to ya mkhongotela, aniko ene a to lamba kukhongotelwa, a txi khene: “Ahim-him ni na dila ni txi relela ka mwanana wangu, kufani.” Jakobe tate wawe, a to msaluka.

1 Vatesalonika 4:15

Ha mi gela ngu ka Mkoma, ti taku: Athu hi nota maneka hi txi hanya, athu hi no salela kuwuya ka Mkoma, kha hi na mbi va thangela ava va nga ti fela;

1 Vatesalonika 4:13

Kha hi ti lavi ku mi sisela timhaka ta vale va nga otela wukohe wa lifo, ti to mi si zumbi mi txi xaniseka, nga vale va ku si nga ni txithembo.

Ndando ya Tindando 8:2

Ni ndi na kuteka, ni kuyisa nyumbani ka mwamwangu, se awe u ndi na ni gondisa ta lirando, Ni ndi na kuninga vhinya yo lombela ni vhinya ya maromani u txi sela.

Genesisi 29:18

Jakobe a to randa Rakeli, se e xamula ka Labhani, a txi khene: “Ani ni na kuthumela mtxhanu wa malembe ni mambidi, ngu mhaka ya Rakeli, mwanana wako wa mnanda.”

Genesisi 25:20

Isaake a ti ni mune wa magumi a malembe, mbimo yi a nga tekana ni Rebheka, mwana Bhetuweli, muaramu, wa Padhani-Aramu, ndiya ya Labhani, muaramu nene.

Genesisi 18:6

Abrahamu a to tsula ngu kukuluveta ditendani a txi ya gela Sara, a txi khene: “Kuluveta u txi teka tipimo tiraru ta mpupu wa wunene, u txi vhuva, u bhika simbwanda!”

Genesisi 24:66

Txithumi txi to xawutela ka Isaake, totshe ti txi nga ti thuma.

Genesisi 25:1

Abrahamu a to teka mmwani msikati, a nga ti dhanwa ku i Ketura.