Genesisi 24:65 - Bhiblia Yo Sawuleka

⁶⁵ Sekoko a to wotisa ka txithumi txa Abrahamu, a txi khene: “I mani wule wa wamwamna a tako ngu mpetoni, a txi hi hingeta kani?” Awule wa txithumi a to khene: “I nyamne wangu.” Sekoko a to teka nguwo, a txi ti fenengeta khoheni.

Genesisi 24:65 Referans Kwoze

1 Timoti 2:9

kasi i di vavasikati va na ambale syambalo si si fanelako, va na bombe ngu txithavo ni kutiñola, va nga luke timbobo, hambi kuambala siphatiphati sa nzalama ni wusekenye, ni tinguwo to dhula ngutu;

1 Vakorinto 11:10

Ngu toneto, wamsikati a na ambale ha msungo kwakwe txikombiso txa kutiveka hahatshi, ngu mhaka ya tingelozi.

Genesisi 20:16

Ka Sara a to womba a txi khene: “Ndiya 1.000 wa maxekele a silivhela, ni mningako ndiyako. Eto ti na maha txikombiso masoni ka votshe va va ku ni nawe, txaku khu nga ni mnandu ka totshe tiya.”

Genesisi 24:64

Rebheka nene ngako a di gute maso a to wona Isaake, se e txhika ngu ha dikameluni.

Genesisi 24:66

Txithumi txi to xawutela ka Isaake, totshe ti txi nga ti thuma.

Genesisi 38:14

Sekoko a to thavisa syambalo sa mkhwasi, a txi ambala so hehuka, e ti fenengeta, a txi ya khalahatsha ha txikeni ka didhoropa da Enayime, di ku nzilani ka kuya Timina. Nguko a woni taku, Xela se a kute, aniko kha nzi kuningelwa kasiku e tekwa ngu ngene.

Isaya 47:2

Teka txigayo u gaya mpupu; thavisa difaduku ha msungo, thavisa ni tikathula, kunya tinguwo tako u txhatuka minambo.

Isaya 3:23

sibuko, ni mahembe a linyu yo hehuka, ni mafadhuko, ni masilika.