Genesisi 24:5 - Bhiblia Yo Sawuleka

⁵ Txithumi txi wombile tiya kwakwe: “Kutilava wamsikati kha tumeli kuwuya ni nani ka diya ditiko; ina ti na laveka ku ni txi tshumeta mwanana wako wa dijaha ka ditiko di awe u dhawukelako ka dona kani?”

Genesisi 24:5 Referans Kwoze

Jeremiya 4:2

Se u na xambanya, u txi khawe: Mkoma a hanyako, ngu ditshuri, ka kulamula ni ka wululamo; matiko ma na ti katekisa ngu ngene, ni kutikulisa ngu ngene.”

Mavingu 13:16

Votshe vale vo txhariha va tsimbila ngu wuzivi, aniko txiphukuphuku txi hangalasa wuphukuphuku wa txona.

Eksodha 20:7

U nga sakane ngu ditina da Mkoma Txizimu txako, nguko Mkoma kha na mbi mleka asi m'khawulisi awule a sakanako walo ngu ditina dakwe.

Eksodha 9:2

Nguko u txi lamba ku va leka va txi tsula, u txi va ñola ngu mbimo ya hombe,

Genesisi 24:58

Va to dhana Rebheka va txi ta kha vona: “Wa ti lava kutsula ni wu wamwamna kani?” Ene a ti khene: “Ni na tsula!”

Genesisi 24:4

aniko u na tsula ka maxaka angu, eyo u na ya lowolela msikati mwanana wangu Isaake.”

Genesisi 24:6

Abrahamu a mxamute, a txi khene: “Ti wonele! U nga tshumete mwanana wangu u txi tsula kheyo!

Genesisi 24:39

Sekoko ani ni ti khani ka nyamne wangu: “Eneyo wamsikati a txi lamba kuwuya ni nani, ni na maha txani kani?” Ene a ni xamute, a txi khene: