Genesisi 24:49 - Bhiblia Yo Sawuleka

⁴⁹ Ngu toneto, ngako mi txi ti lava kuvhuna nyamne wangu ngu wumbilu ni ditshuri, ni geleni, ngako mi si ti tsakeli, ni geleni kambe, kasiku ni tshumela, ni teka nzila ya txinene mwendo ya txibhabha.

Genesisi 24:49 Referans Kwoze

Genesisi 47:29

Mbimo yi Israyeli a nga ti hafuhi ni kufa, a to dhana Josefa mwanakwe, e m'gela tiya: Ngako u txi ni dhunda ngu ditshuri, veka dianza dako hahatshi ka dithumbi dangu, u txi ni thembisa ngu lirando ni wunene ti to u si ni tshotshi ditikoni muwa ka Egipta!

Joxuwa 2:14

Sekoko vavamna vale va to mxamula va txi kha vona: “Wutomi wathu wu na dihela wutomi wanu kala kufani, ngako mi si landuli mhaka yathu; se ku na maheka koko taku, ngako Mkoma a txi hi ninga ditiko diya, hi na ku mahela wumbilu, ni kuthembeka.”

Mavingu 3:3

Wunene ni kuthembeka si nga ku leke; si sungelele thamoni kwako; si bhale ka txileti txa mbilu yako.

Genesisi 32:10

Ani kha ni nga ni fanelo yo mahelwa wotshe wuxinji, ni wotshe wunene awu u nga va nawo kwangu, ani txithumi txako. Ani ni ti kova ni mtxheketelo dwe, mbimo yi ni nga txhatuka mnambo wuwa wa Jordhani, se konkuwa ni na ni mitxawa yimbidi.

Dhewuteronome 2:27

“Ni tumelele ni pinda ngu ditikoni kwako; ni na tsimbila ngu nzila; kha ni na mbi jikela txinene hambi txibhabha.

Mitengo 20:17

Hi leke koko hi tshawunyeta ngu ditikoni kwako; lambi kha hi na mbi tshawunyeta ngu tithembweni kwako ka mivhinya; kambe kha hi na mbi sela mati a sisimani kwako; athu hi na tsimbila ngu mabhudhula; lambi kha hi na mbi hambuka ngu didhawa da txinene mwendo da txibhabha, hiza hi tshawunyeta ditiko dako.