Genesisi 24:44 - Bhiblia Yo Sawuleka

⁴⁴ a txi ni xamula, a txi khene: “Sela, se ni na ti wona ti to ngene msikati wu Mkoma a nga lulamisela mwanana wa nyamne wangu Abrahamu.”

Genesisi 24:44 Referans Kwoze

Genesisi 24:14

Maha tito, awule ni womba kwakwe ni txi khani: “Weketa lidhuwa ni na sela mati”; se ene a txi ni xamula a txi khene: “Sela, kambe ni na ninga ni ona makamelu ako me sela, a nave wu u nga mlongisela, kuva msikati wa txithumi txako Isaake; se ka toneto, ni na ti wona to, u mahete wumbilu nyamne wangu Abrahamu.”

1 Pedro 3:8

Ngu kugwitisa, engisanani motshenu; mi randa vananu ngu moya wa wumbilu, ni kutiveka hahatshi.

Vahebheru 13:2

Mi nga divaleni kuamukela vapfhumba, nguko, ngu kona kuamukela vapfhumba, vamwani na va si ti zivi, va amukete tingelozi.

1 Timoti 2:10

aniko kuleka eto, va na ti bombise ngu mithumo ya yinene, nga vavasikati va i ku makholwa.

Isaya 32:8

Aniko txisiwana txi maha makungo amanene, se ngu wunene txi simama txi di emile.

Mavingu 19:14

Nyumba ni silo ngu sona i kuthomba ya vatate ka vanana; aniko wamsikati wamnene ata ngu ka Mkoma.

Mavingu 18:22

Awule a manako msikati a mana txilo txatxinene, kambe a mani kukatekiswa ngu Mkoma.

Mavingu 16:33

Xolo yi xaxuvelwa hammidi, aniko totshe ta tinene ti ta ngu ka Mkoma.

Genesisi 2:22

Se ngu limbavhu lile Mkoma Txizimu a nga thavisa ka wamwamna a to maha wamsikati; se e m'yisa ka wamwamna.

Genesisi 24:43

ni wone, ni ho hawa ha txisimani ka mati. Muhorana wu a no bwaka, a txi tela ku ta reka mati, ngako ni txi m'gela ku khani: “Hi nga niha mati amadotho o sela,”

Genesisi 24:45

Ni sanzi kugwita kumaha mkombelo wuwa mbiluni kwangu, konako ku to bwaka Rebheka, a di ni lidhuwa lakwe hadikata. Ene a to relela txisimani a txi reka mati. Se ani ni ti khani kwakwe: “Hi ngani ha mati amadotho o sela.”