Genesisi 24:32 - Bhiblia Yo Sawuleka

³² Sekoko wamwamna a to wulela nyumbani. Se Labhani a to ya txhatxha makamelu, a txi ma ninga diphunde ni lihawu, a txi wuyisa ka wule wa wamwamna mati a kusamba minenge, ene ni vavamna vale a nga ti navo.

Genesisi 24:32 Referans Kwoze

Valamuli 19:21

Se a to wuya navo nyumbani kwakwe, a txi ni nga lihawu ka timbongola; se vona va di sambile mikondo, va to dya ni kusela.

Genesisi 43:24

Msana keto, wamwamna wule a to heleketa vavamna vale m'tini ka Josefa, a txi ya va ninga mati ve samba mikondo yawe; kambe a ningile sakudya ka timbongola tawe.

Genesisi 18:4

Ni na tisa mati amadotho, kasi mi nata samba mikondo, mi txi humula, mtsudini ka mndonga wuwa.

1 Timoti 5:10

Ta laveka ti to e ziwa ngu mithumo yakwe ya yinene; kufana ni kuwunja vanana ngu nzila ya yinene, kuamukela vapfhumba, kukuwula mikondo ya vasawuleki, kuvhuna ava va xanisekako, ni kutiningetela ka yotshe mithumo ya yinene.

Luka 7:44

Se a txi tshembereka, a txi wonetela awule wamsikati, a txi gela Simoni ku khene: “Wa mu wona wu wamsikati, kani? Ni wulete nyumbani kwako, khwa ni ha mati a kusamba mikondo, aniko ene a nakanisile mikondo yangu ngu mirongo yakwe, a txi yi bahulela ngu misisi yakwe.

Genesisi 19:2

a txi khene ka tona: “Anu vanyamne vangu, na mi kombela mi wulela nyumbani kwangu, ani txithumi txanu, mi na samba mikondo, mi txi otela wusiku wa nyamsi, ni mixo mi na teka kambe nzila yanu.” Aniko vona va xamute va txi kha vona: “Ahim-him, athu hi na otela hahanze.”

1 Samuwele 25:41

Sekoko ene a to khukha, e nama ngu khohe hahatshi, a txi khene: Wona, txithumi txako txa txisikati txi na maha txithumi txo sambisa mikondo ya sithumi sa nyamne wangu.

Genesisi 24:33

Se va to m'vekela sakudya, kambe ene a ti khene: “Kha ni na kudya, ni sinzi kuwomba ti ni telako tona, i ku mhaka ya dipfhumba dangu.” Konaho, Labhani a to khene: “Womba.”

Genesisi 29:13

Se ngako Labhani a di engisile ti to Jakobe, mwanana wa ndiyakwe, a to tutuma e m'hingeta, e mkhutarela ngu mawoko, a txi mpswopswa, e tsula nayo nyumbani kwakwe. Se Jakobe a to xawutela ka Labhani totshe ti ti nga maheka.