Se ene a to khene: “Mkoma a na ku katekise, mwanangu; u mahile kha kwati wunene wuwa wako wo gwitisa, kupinda wo khata, nguko khwa lava kulondeta dizambi ni da dimwedo, da nyatithombe mwendo da txisiwana.
Hi thembise ti to khu na mbi hi mahela kubiha ni ka kudotho, nga ti nathu hi nga mbi kukaratisa, hi kuleka u khukha ngu kuthutha. Se u katekisilwe ngu Mkoma Txizimu.”
Awu a nga khene ka mame wakwe: 1.100 wa male ya silivhela, yile u nga honyolwa, eyo u ngaza u womba-womba kubiha ngu mhaka ya yona, ni txi tipfa tinzeveni kwangu, wona taku maleyo yi ni nani, ngani ni nga teka yona. Sekoko mame wakwe a to khene: “Mkoma a na ku katekise mwanangu!”
a txi khene ka tona: “Anu vanyamne vangu, na mi kombela mi wulela nyumbani kwangu, ani txithumi txanu, mi na samba mikondo, mi txi otela wusiku wa nyamsi, ni mixo mi na teka kambe nzila yanu.” Aniko vona va xamute va txi kha vona: “Ahim-him, athu hi na otela hahanze.”
Loti a to ti khongotela ngutu tiza ti txi tumela kuwulela nyumbani kwakwe. A to ti lulamisela sakudya, e bhika mapawu o mbi na mtshumbelo, se tona ti dya.
Ngako a di woni txikurufu ha thonvuni, ni masinda mawokoni ka ndiyakwe, a txi engisa mapswi a Rebheka ndiyakwe, a ku khene: “Awuwa wamwamna a wombile tiya ni tiya kwangu. Labhani a to tsula ka dizambido, a txi ya di mana di di emile kumweko ni makamelu, hafuhi ni txisima.”
Se ngako Labhani a di engisile ti to Jakobe, mwanana wa ndiyakwe, a to tutuma e m'hingeta, e mkhutarela ngu mawoko, a txi mpswopswa, e tsula nayo nyumbani kwakwe. Se Jakobe a to xawutela ka Labhani totshe ti ti nga maheka.