Genesisi 24:27 - Bhiblia Yo Sawuleka

²⁷ a txi khene: “A na dhumiswe Mkoma, Txizimu txa Abrahamu, nyamne wangu, nguko ene Mkoma kha leka kukomba wunene wakwe ni kuthembeka kwakwe ka nyamne wangu, a txi ni heleketa ngu nzila yo lulama m'tini ka maxaka a nyamne wangu.”

Genesisi 24:27 Referans Kwoze

Genesisi 24:48

Se ni to khizama ni txi khozela Mkoma, Txizimu txa nyamne wangu Abrahamu, awu a nga ni komba nzila yo lulama, kasi ku ta teka mwanana wa dihorana wa Nahori, mwanawe nyamne wangu, kufela ku e maha msikati wa mwanana wakwe.

Masalmo 98:3

A alakanyile lirando lakwe ni kuthembeka kwakwe ka vathu va ka Israyeli. Hambi vathu va va ku magemeta-mitshi ka ditiko va ku woni kuhanyisa ka Txizimu.

Genesisi 32:10

Ani kha ni nga ni fanelo yo mahelwa wotshe wuxinji, ni wotshe wunene awu u nga va nawo kwangu, ani txithumi txako. Ani ni ti kova ni mtxheketelo dwe, mbimo yi ni nga txhatuka mnambo wuwa wa Jordhani, se konkuwa ni na ni mitxawa yimbidi.

Genesisi 24:12

Eyo ene a to kombela, a txi khene: “Mkoma, Txizimu txa nyamne wangu Abrahamu, na ku kombela taku u txi ni vhune nyamsi, u txi mmahela wumbilu nyamne wangu Abrahamu.”

1 Samuwele 25:32

Sekoko Dhavhidha a to khene ka Abhigayeli: Ku na bongwe Mkoma Txizimu txa Israyeli, awule a nga kurumela wuta tshangana ni nani nyamsi.

Rute 4:14

Sekoko vavasikati va to kha vona ka Nowemi: “A na dhumiswe Mkoma, a nga mbi leka ku kuninga mtiruli nyamsi, niku ditina dakwe di nave ni nduma ka Israyeli!

Eksodha 18:10

Se Jetro a ti khene: “A na bongwe Mkoma, wule a nga mi hulukisa manzani ka Vaegipta, ni manzani ka Faro, ni ku a nga hukulukisa vathu wukhumbini ka Vaegipta.

Luka 1:68

“A na dhumiswe Mkoma, Txizimu txa Israyeli, nguko a endete vathu vakwe, a txi va tirula.

Mavingu 3:6

Alakanya ene ka totshe tinzila tako, se ene a na lulamisa tinzila tako.

Masalmo 100:5

Nguko Mkoma mbwamnene, ni wumbilu wakwe kha wu na magwitiko! Kambe ditshuri dakwe nda liveleko ni liveleko.

2 Samuwele 18:28

Sekoko a Ayimahasi a to kwangula a txi khene ka mfumeli: Kudikha! Se a to nama hahatshi masoni ka mfumeli, a txi khene: Ku na dhumiswe Mkoma, wule a nga ningela vathu vale va nga guleta manza ve wukela mfumeli, nyamne wangu.

1 Timoti 1:17

Kwakwe Mkoma wa totshe timbimo, Txizimu txo mbi na kufa, txo mbi wonwa ngu maso, ka txona Txizimu txa tximwetxo dwe, kudhumiswa ni kupfaliswa si nave ka txona ngu malembe ni malembe. Amen.

Vaefesu 1:3

Txi na dhumiswe Txizimu Tate wa Mkoma wathu Jesu Kristu, txi nga hi katekisa ngu makatekwa a moya wa nzumani, ngu ka Kristu.

Johani 1:17

Nguko hi ningilwe Mlayo manzani ka Mosi, aniko kateko ni ditshuri hi wuyisetwe ngu Jesu Kristu.

Mika 7:20

Jakobe a na mninga kuthemba, se Abrahamu a na mninga wunene wule a nga xambanya ka vatate vathu, kukhukhela ka masiku a kale.

Mavingu 8:20

Na tsimbitisa ngu nzila ya kululama, hagari ka tinzila ta wulamuli.

Masalmo 68:19

A na dhumiswe Mkoma, ditshiku ni ditshiku; ene a hi ponisile; Txizimu i muhanyisi wathu!

1 Samuwele 25:39

Se mbimo yile Dhavhidha a nga pfa ti to Nabhali a fite, a to khene: Ku na bongwe Mkoma a nga vhikela dianza da txithumi txakwe kumaha wubihi ka Nabhali, a tsivete txithumi txakwe ka wubihi, kambe Mkoma a mahile ti to wubihi wa Nabhali wu tshumelela txitimwi ka msungo wakwe. Se Dhavhidha a to ruma vathu ka Abhigayeli kuya mteka ti to e maha msikati wakwe.

Eksodha 2:13

Mangwanani ka kona, a to engeta a txi huma aha a nga ya wona majaha mambidi a Vahebheru va txi lwa, ene a to angula wule a nga vhuka mkwawe a txi khene: “Ngu kutxani u txi peka mwananu kani?”

Eksodha 2:11

Ka masiku oneyo, Mosi i di wa hombe a to huma kasiku eya wona va ka kwawe; ahale a nga wona mathumelo awe o nemela, txitimwi kwawe; a to wona kambe Muegipta wokari a nga txi peka mmweyo wa mwanawe wa Muhebheru.

Genesisi 24:42

Ngako ni di bwakile ha txisimani nyamsi ni khongete ni txi khani: “Mkoma, Txizimu txa nyamne wangu Abrahamu, ngako u di katekisile mhaka yangu, ayi ni endelako yona konkuwa,”

Genesisi 24:21

Awule wa wamwamna a ti ti mu wonisisa, a di malate, kasi kuwona tito, Txizimu txi katekisile mwendo kha txa di katekisa dipfhumba dakwe.

Genesisi 24:4

aniko u na tsula ka maxaka angu, eyo u na ya lowolela msikati mwanana wangu Isaake.”

Genesisi 14:20

Txi na bongwe Txizimu Nyatxitimwi txi nga ningela valala vako manzani kwako!” Se Abramu a to ninga Melkisedheki sa wugumi ka sotshe si a nga ti si mani.

Genesisi 13:8

Abramu a to khene ka Loti: “Kha kulaveki ku txi vaho kuphikizana hagari kwangu ni nawe, hagari ka vadyisi vangu ni vako, nguko hi vamwevo.

Genesisi 9:26

Se Nowa a to womba kambe, a txi khene: “A na dhumiswe Mkoma Txizimu txa Semi, Kanana a na mahe khumbi yakwe.

Genesisi 32:11

Na ku kombela, ni lamulele manzani ka mkomwangu Esawu, nguko na m'thava, ati to a nga thuka a txi ta e ta hi daya, ani ni vamame, ni vanana.

Eksodha 34:6

Mkoma a to pinda koko ngu masoni ka Mosi, se Mosi e kwangula a txi khene: “Awe Mkoma Txizimu, Txizimu txa wumbilu ni kupfela, wo swela kuhenya kambe wo tala ngu wuha ni kuthembeka!