Genesisi 24:22 - Bhiblia Yo Sawuleka

²² Mbimo yi makamelu ma nga gwita kusela mati, wamwamna a to teka txikurufu txa nzalama, txa hafu ya dixekele kunemela ka txona, a txi mnameka ha thonvuni, ni masinda mambidi, a digumi da maxekele kunemela ka ona, a txi mu ambalisa mawokoni kwakwe.

Genesisi 24:22 Referans Kwoze

Jeremiya 2:32

Ina m'horana a nga divala wubombi wakwe, mwendo wa ku ngadi kulowolwa kudivala sihiwa sakwe kani? Kambe ditiko dangu di ni divate kale.

Genesisi 24:47

Sekoko ni to mu wotisa ni txi khani: U mwanana wa mani kani? Ene a ni xamute a txi khene: “Ni mwanana wa Bhetuweli, mwana Nahori ni Milka.” Sekoko ni to nameka phera ha thonvuni kwakwe, ni txi mu ambeka masinda mawokoni kwakwe.

Genesisi 24:30

Ngako a di woni txikurufu ha thonvuni, ni masinda mawokoni ka ndiyakwe, a txi engisa mapswi a Rebheka ndiyakwe, a ku khene: “Awuwa wamwamna a wombile tiya ni tiya kwangu. Labhani a to tsula ka dizambido, a txi ya di mana di di emile kumweko ni makamelu, hafuhi ni txisima.”

Esteri 5:1

Ku to maheka koko tito, ka ditshiku da wuraru, Esteri e ambala syambalo sakwe sa wufumeli, se eya ema mndani ka muhubhe wa nyumbani ka mfumeli, ngu masoni ka nyumba ya mfumeli; kambe mfumeli a ti ti khalahatshile ha txikhaloni txakwe txa wukoma, nyumbani ka wukoma, masoni ka txike txa nyumba.

1 Pedro 3:8

Ngu kugwitisa, engisanani motshenu; mi randa vananu ngu moya wa wumbilu, ni kutiveka hahatshi.

1 Pedro 3:3

Kubomba kwanu ku nga ve ka hahanze dwe, kulukwa timbobo, ku ti tshurisela ngu siketiketi sa nzalama, ni syambalo so hanelwa ngu sona.

Genesisi 24:10

Txithumi txi to teka digumi da makamelu ka mtxhambi wa makamelu a nyamne wa txona, se txi txi teka simaha ka sotshe sa sinene, asi nyamne wakwe a nga ti naso manzani kwakwe; txi tsula naso Mesopotamiya, ka didhoropa da Nahori.

Genesisi 24:23

Se a txi wotisa muhorana ku khene: “U mwanana wa mani kani? Na ku kombela u txi ni gela. Ina m'tini ka tate wako ku na ni wukhalo wa kudingana kuotela athu kani?”

Genesisi 24:53

Se awu wa txithumi a di humisile siya sa silivhela, ni sa nzalama, ni tinguwo, a to si ningela ka Rebheka; e ninga kambe ndiyakwe Labhani ni mame wakwe, sihiwa sa lisima la hombe.

Jeremiya 32:9

Ni to xava thembwe ya Hananeli, mwana tatanyani wangu, ayi yi ku Anatote, ni to mpimela male, ya digumi ni mtxhanu ni mambidi da maxekele a silivhela.

Jobe 28:1

Kha ditshuri ku ni misiha, emo yi humako ngu kona silivhela, ni nzalama, i ku wukhalo wu va yi nyekisako kona.