Genesisi 24:21 - Bhiblia Yo Sawuleka

²¹ Awule wa wamwamna a ti ti mu wonisisa, a di malate, kasi kuwona tito, Txizimu txi katekisile mwendo kha txa di katekisa dipfhumba dakwe.

Genesisi 24:21 Referans Kwoze

Masalmo 107:43

Awule i ku wo ziva, a na yi wonisisa mhaka yiya, e pimisa lirando la Mkoma.

Genesisi 24:12

Eyo ene a to kombela, a txi khene: “Mkoma, Txizimu txa nyamne wangu Abrahamu, na ku kombela taku u txi ni vhune nyamsi, u txi mmahela wumbilu nyamne wangu Abrahamu.”

Luka 2:51

Sekoko ene a to relela navo, e tsula Nazareta, kambe a txi ti veka hahatshi kwawe. Se mame wakwe a txi ti veketa totshe timhaka tiya mbiluni kwakwe.

Luka 2:19

Mariya a txi ti veka hakhana totshe timhaketo, e zumba a txi ti alakanya mbiluni kwakwe.

Masalmo 107:15

Bongani Mkoma, ngu mhaka ya lirando lakwe ni sidiwukiso sakwe a mahelako vathu!

Masalmo 107:8

Bongani Mkoma, ngu mhaka ya wunene wakwe ni sidiwukiso sakwe a mahelako vathu!

Masalmo 107:1

Bongani Mkoma, nguko ene mnene, nguko wunene wakwe mbwa yotshe mbimo.

Genesisi 24:56

Awule wa txithumi a to khene: “Mi nga laveni ku ni sweta, nguko Mkoma a katekisile dipfhumba dangu; ni lekeni ni txi tshumelela ka nyamne wangu.”

Genesisi 24:20

Kunukunuko, a to thela lidhuwa la mati mkawuni, a txi tshumela kambe eya reka mati, e ta ninga otshe makamelu ma txi sela.

Genesisi 24:27

a txi khene: “A na dhumiswe Mkoma, Txizimu txa Abrahamu, nyamne wangu, nguko ene Mkoma kha leka kukomba wunene wakwe ni kuthembeka kwakwe ka nyamne wangu, a txi ni heleketa ngu nzila yo lulama m'tini ka maxaka a nyamne wangu.”