Genesisi 24:17 - Bhiblia Yo Sawuleka

¹⁷ Sekoko txithumi txi to tutuma txi hingeta Rebheka, txi txi kha txona: “Hi nga niha ni sela ka kudotho matiyo lidhuwanimo kwako.”

Genesisi 24:17 Referans Kwoze

Johani 4:7

A to bwaka wamsikati wa Samariya, ku ta reka mati. Se Jesu a to womba kwakwe a txi khene: “Hi nga niha mati o sela.”

Isaya 21:14

Humani ni mati mi hingeta vopfa ditora; anu vahanyi va ditiko da Tema, hingetani va va tutumako mi va ninga sakudya.

1 Vafumeli 17:10

Sekoko ene a to khukha e tsula Sarepita; se mbimo yi a nga txi hoka ditimbani ka didhoropa, ku ti tiho konaho wamsikati wa noni a nga ti lava tikhuni. Se ene a to m'dhana, a txi khene: Na ku kombela, nihe mati amadotho o sela ngu txihindwana.

Johani 4:9

Wamsikati wule wa Msamariya a to mu xamula a txi khene: “Ti nga mahisa kutxani awe u ku Mujudha kukombela mati kwangu ni ku Msamariya kani?” (Nguko Vajudha kha va tolovelani ni Vasamariya).

Isaya 49:10

Kha va na mbiswa va txi pfa nzala, mwendo ditora, hambi txiwunda mwendo ditambo, kha si na mbi va xanisa, nguko awule a ku ni wumbilu navo, a na va tsimbitisa, e va yisa ngu kuthutha sisimani ka mati.

Isaya 30:25

Kambe ka yotshe mimango yo lapha, ni ka sotshe simangwana so guleka, sinambwana ni milonga ya mati, ka ditshiku da kudawa ka hombe, mbimo yile si nowa sitezi.

Genesisi 24:45

Ni sanzi kugwita kumaha mkombelo wuwa mbiluni kwangu, konako ku to bwaka Rebheka, a di ni lidhuwa lakwe hadikata. Ene a to relela txisimani a txi reka mati. Se ani ni ti khani kwakwe: “Hi ngani ha mati amadotho o sela.”