Genesisi 24:15 - Bhiblia Yo Sawuleka

¹⁵ A txi ngadi e womba-womba, ku to bwaka Rebheka, mwana Bhetuweli, wa mwana Milka, msikati wa Nahori, mwanawe wa Abrahamu, a di ni lidhuwa hadikata.

Genesisi 24:15 Referans Kwoze

Genesisi 11:29

Abramu ni Nahori va to teka vasikati. Msikati wa Abramu a ti dhanwa ku i Sarayi, msikati wa Nahori a ti dhanwa ku i Milka, mwanana wa dihorana wa Harani, i nga ti tate wa Milka ni Jesika.

Isaya 65:24

Se ku na maheka ti to ni va xamula, va sanzi kupeka huwa; va txi ngadi ve womba-womba ni na va engisa.

Genesisi 24:45

Ni sanzi kugwita kumaha mkombelo wuwa mbiluni kwangu, konako ku to bwaka Rebheka, a di ni lidhuwa lakwe hadikata. Ene a to relela txisimani a txi reka mati. Se ani ni ti khani kwakwe: “Hi ngani ha mati amadotho o sela.”

Isaya 58:9

Sekoko u na dila, kambe Mkoma a na kuxamula; u na peka huwa, se ene a na khene: “Ngani wuwa hawa.” Eto ti na maheka ngako u txi thavisa hagari kwako dikange, u leka kuxungametela ngu litiho, ni kuwombawomba ka manyala;

Masalmo 65:2

Awe wa engisa mikombelo yathu se votshe va ta kwako,

Masalmo 34:15

Maso a Mkoma ma wonetela vo lulama ni tinzeve takwe ti engisela huwa yawe.

Eksodha 2:16

Se Jetro, mphaxeli wa Midhiyani a ti ni mtxhanu wa vanana ni vambidi vamahorana. Vona va to ya kuya reka mati, ve tata mikawu kasi kuninga mitxhambi ya tate wawe yi sela.

Rute 2:17

Se Rute a ti ti lavetela thembweni mule, kala ni minova, a to hula sile a nga ti roletete, sa mpimo wolava kudingana ni efa yimweyo ya sevhadha.

Rute 2:2

Se Rute wa Mowabhi, a to womba ka Nowemi a txi khene: Ni tumelele ku ni txi ya thembweni kuya lavetela sitxatxa, msana ka wule a no ya ni siza a txi ni amukela. Se masale wakwe a to mxamula a txi khene: “Tsula mwanangu.”

Genesisi 29:9

Jakobe a di ngadi a txi bhula navo, Rakeli a to hoka ha txisimani ni mtxambi wa tinvuta ta tate wakwe, nguko ene i ti m'dyisi.

Genesisi 24:24

Muhorana a to xamula, a txi khene: “Ani ni mwanana wa Bhetuweli, awu a nga velekwa ngu Milka ni Nahori.”

Genesisi 11:27

Ngu liya liveleko la Tera. Tera a to veleka Abramu, ni Nahori, ni Harani. Harani a to veleka Loti.

Mavingu 31:27

A xayisa mwaya wakwe ngu nzila ya yinene, khadyi sakudya sa wukara.

Genesisi 21:14

Sekoko Abrahamu a to wuka ni mixo, e teka sakudya ni txibhembe txa mati e rweka Hagari, se a to m'belekisa mwanana, ngu msana a to mu humisa. Hagari a to huma e pepeseka mu txiwulani ka Bherisebha.

Genesisi 24:14

Maha tito, awule ni womba kwakwe ni txi khani: “Weketa lidhuwa ni na sela mati”; se ene a txi ni xamula a txi khene: “Sela, kambe ni na ninga ni ona makamelu ako me sela, a nave wu u nga mlongisela, kuva msikati wa txithumi txako Isaake; se ka toneto, ni na ti wona to, u mahete wumbilu nyamne wangu Abrahamu.”

Genesisi 25:20

Isaake a ti ni mune wa magumi a malembe, mbimo yi a nga tekana ni Rebheka, mwana Bhetuweli, muaramu, wa Padhani-Aramu, ndiya ya Labhani, muaramu nene.

1 Samuwele 9:11

Se ngako vona va di kwete ngu mmango wa didhoropani, va to mana mahorana okari ma nga txiya kurekani ka mati, va txi kha vona ka ona: Ina m'huti aho kheno kani?

Genesisi 29:5

A to va wotisa kambe, a txi khene: “Ma m'ziva Labhani, mwana Nahori, kani?” Va to kha vona: “Ha m'ziva.”