Genesisi 24:10 - Bhiblia Yo Sawuleka

¹⁰ Txithumi txi to teka digumi da makamelu ka mtxhambi wa makamelu a nyamne wa txona, se txi txi teka simaha ka sotshe sa sinene, asi nyamne wakwe a nga ti naso manzani kwakwe; txi tsula naso Mesopotamiya, ka didhoropa da Nahori.

Genesisi 24:10 Referans Kwoze

Dhewuteronome 23:4

Nguko kha va mi hingeta hanzila ni sakudya ni mati, kuhumani kwanu ngu Egipta; kambe va xavile Bhalahamu, mwana Bheyori, wa kuta ngu Petori, ka Mesopotamiya, kasi ku e mi ruketela.

Genesisi 11:31

Tera a to teka mwanana wakwe Abramu, ni mtukulu wakwe Loti, mwana Harani, ni mame wakwe Sarayi, msikati wa Abramu, e rura navo ditikoni ka Uri ka Vakaldheya, ve tsula ditikoni ka Kanana, aniko, va di hokile ditikoni ka Harani, va to aka ve zumba kona.

Mithumo 2:9

Vaparta, Vamedhi, Vaelamita, vaaki va Mesopotamiya va kuhuma Judheya ni Kapadhokiya, va Ponto ni Aziya,

1 Makronika 19:6

Mbimo yile koko, vanana va ka Amoni va nga wona taku va phayile livengo ka Dhavhidha, Hanumi ni vanana va ka Amoni, va to rumela 1.000 wa titalenta ta nzalama, kasi kuya lomba ngu yona sikotxikani ni vagadhi va mahantxhi va Mesopotamiya, ni va Siriya ni Mahaka, ni va Zobha.

Genesisi 29:1

Sekoko Jakobe a to teka nzila ya kuya ka vathu va Wutxani.

Genesisi 27:43

Konkuwa, mwanangu, ni engise: Khukha, thava, u txi ya ka Labhani ndiyangu, ditikoni ka Harani;

Genesisi 24:2

Abrahamu a to khene ka txithumi txakwe txa kale txa ha m'tini, a txi txi nga ti fumela sotshe si a nga ti naso: “Veka dianza dako hahatshi ka dithumbi dangu,

Genesisi 11:29

Abramu ni Nahori va to teka vasikati. Msikati wa Abramu a ti dhanwa ku i Sarayi, msikati wa Nahori a ti dhanwa ku i Milka, mwanana wa dihorana wa Harani, i nga ti tate wa Milka ni Jesika.

Genesisi 11:32

Tera a hanyile 250 wa malembe, se ngu msana a fete Harani.

Genesisi 24:22

Mbimo yi makamelu ma nga gwita kusela mati, wamwamna a to teka txikurufu txa nzalama, txa hafu ya dixekele kunemela ka txona, a txi mnameka ha thonvuni, ni masinda mambidi, a digumi da maxekele kunemela ka ona, a txi mu ambalisa mawokoni kwakwe.

Genesisi 24:53

Se awu wa txithumi a di humisile siya sa silivhela, ni sa nzalama, ni tinguwo, a to si ningela ka Rebheka; e ninga kambe ndiyakwe Labhani ni mame wakwe, sihiwa sa lisima la hombe.

Genesisi 29:2

A to wona txisima libalani, hafuhi ka txona ku di mbambamete mitxhambi yiraru ya tinvuta; i ti ti ka txisima txonetxo va nga ti ti reka mati a kuninga mitxhambi yawe, yi txi sela. Dirigwi di va nga txi fenengeta ngu dona txisima i ti da hombe.

Genesisi 11:26

Se mbimo yi Tera a ngadi ni mtxhanu wa magumi ni mambidi a malembe, a to veleka Abramu, Nahori ni Harani.

Genesisi 22:20

Ti di pindile totshe eto, Abrahamu a to gelwa ti to kha vona: Milka nene a m'velekete vanana mwananu Nahori.