Genesisi 23:6 - Bhiblia Yo Sawuleka

⁶ “Hi engise, awe nyamne wathu: Awe u didhota da Txizimu hagari kwathu; tshotsha mfi wako ka diphala di i ku da lisima ka maphala athu; ni wammweyo kwathu kha na mbi kulambela diphala dakwe, kuva u tshotsha mfi wako ka dona.”

Genesisi 23:6 Referans Kwoze

Genesisi 24:35

Mkoma a katekisile ngutu nyamne wangu, e maha nyatithombe wa hombe: A mningile tinvuta ni tihomu, silivhela ni nzalama, sithumi sa txiwamna ni sa txisikati, makamelu ni timbongola.”

Genesisi 14:14

Mbimo yile a nga ziva ti to Loti, mwanana wa mnanda wakwe a ñotwe, a to tshanganisa 318 wa tindena, ka va a nga ti zumba navo, e va londeta kala Dhani.

Isaya 45:14

Mkoma a wombisa tiya: Mthumo wa Egipta, ni dibhindu da Vaetiyopiya, ni Vasabhi, vathu va txiemo txo lapha, si na pinda sita kwako, si na kulumba; va na kulondeta, va nata va di sungilwe ngu titxhini, kambe va nata khizama masoni kwako; va na maha mikombelo yawe kwako, va txi kha vona: Kha ditshuri Txizimu txi kwako, kha ku na tximwani txizimu kambe.

Eksodha 32:22

Sekoko Aroni a to khene: U nga henye awe nyamne wangu; awe wa tiziva ti to vathu vava va bihile ngutu;

Genesisi 44:8

Wona: Male yi hi nga yi mana masakani kwathu ka fulaho, hi tshumetile hi txi yi wuyisa kwako ngu Kanana, mwani kwathu. Hi nga va hi di mahisile kutxani, kupa nyumbani ka nyamne wako, silivhela mwendo nzalama kani?

Genesisi 44:5

“Mi pite digombe da nyamne wangu, adi a selako ngu dona ni kuhuta ngu dona, anu mi mahile tawalo ngutu!”

Genesisi 42:10

Vona va kanetile va txi kha vona: “Ahim-him awe nyamne wathu; athu sithumi sako hi tete ku ta xava sakudya.

Genesisi 32:18

Sekoko u na khawe: “Nza Jakobe txithumi txako, njiningo txi a rumelako ka Esawu, mkomwangu; nene wata msana kwathu.”

Genesisi 31:35

Rakeli a to womba ka tate wakwe, a txi khene: “U nga pandiseke tata, ngako ni si khukhi ni txi ema masoni kwako, no va ni tshiku ya ti tathu vavasikati.” Labhani a lavisisile kotshe, kambe kha si mana sithombe.

Genesisi 24:18

Se ene a to khene: “Sela, awe nyamne wangu.” A to kuluveta e weketa lidhuwa manzani kwakwe, awule wa txithumi e sela.

Genesisi 21:22

Se ku to maheka taku, ka yona yile mbimo, Abhimeleki ni Fikoli, mthangeli wa dibutho dakwe da yimbi, e womba-womba ni Abrahamu, a txi khene: “Txizimu txi ni nawe, ka totshe ti u ti mahako.

Genesisi 18:12

Ti di ngeto, Sara a to seka mbiluni kwakwe, a txi khene: “Akuwa ni nga kumba, ni mwamna wangu nene, i ku txikhovana, ina ni nga ngadi ni txi pfa litsako lonelo kani?”

Genesisi 13:2

Abramu a ti ni sifuyo ngutu, ni silivhela ni nzalama.

Rute 2:13

Se Rute a to khene ka Bhowazi: “Ni na mane kukateka masoni kwako, awe nyamne wangu, nguko u ni thavelete ni womba-womba mbiluni ka txithumi txako, hambiko ani ni singako mmweyo wa sithumi sako sa txisikati.”

Genesisi 20:7

Se konkuwa, mtshumete eyo wamsikati, a txi tsula ka mwamna wakwe, nguko mwamna wakwe mprofeti: Se a na kukombelela kasi u txi hanya. Aniko nga ti u si mtshumeti, kufa u na fa awe ni votshe va kulumbako.”

Genesisi 23:5

Vanana va Heti va to xamula ka Abrahamu, va txi kha vona:

Genesisi 23:7

Sekoko Abrahamu a to khukha a txi ema, e nama masoni ka vathu va ditiko, i ku vanana va Heti.