Genesisi 23:4 - Bhiblia Yo Sawuleka

⁴ “Hagari kwanu ani ni muwuyi, ni mluveli, ni kombela wukhalo, kasi ku nave mathithani ko ni lumba, tito, ni na tshotsha kona mfi wangu.”

Genesisi 23:4 Referans Kwoze

Vahebheru 11:9

Ngu likholo, ene a akile nga muwuyi ka ditiko di a nga ti thembisilwe, a txi zumba midhutini kufana ni Isaake ni Jakobe, vadyi-kulowe va yona thombeyo ya yimweyo ya txithembiso.

1 Makronika 29:15

Nguko hi valuveli masoni kwako, hi vapfumba kufana ni vatate vathu; masiku athu ha mafuni ma fana ni mtsudi, kha ku nga ni yimwani themba.

Genesisi 17:8

Ni na kuninga awe, ni lihunzu lako, msana kwako, ditiko diya u zumbako ka dona, dotshe ditiko da Kanana di na va ditiko danu, ngu hale ku si gwitiko, kambe ni na va Txizimu txanu.”

Masalmo 119:19

Ani ni mpindi ka diya ditiko; u nga ni sisele sirumo sako.

Mithumo 7:5

Aniko kha txa mninga thembwe kona hambi wukhaloanyana wu wu dinganako ku kandwa ngu mkondo; txi to mu thembisa dwe ti to txi na mninga dona, di maha thomba yakwe ni ya vatukulu vakwe msana kwakwe, hambiko a nga ti sanzi kuva ni mwanana.

Masalmo 39:12

Mkoma, engisa mkombelo wangu, riya nzeve u txi engisa miketo yangu! U nga ti hunde, ngako u txi pfa kudila kwangu. Masoni kwako ani ni nyamtangumo, ni mpindi kufana ni votshe vakale vangu.

Levhi 25:23

Mi nga xaviseni thembwe da magwito, nguko mafu ma lumba ani, anu mi valuveli, mi vapfhumba ka ditiko di mi nga aka ka dona, i ku dangu.

Genesisi 49:30

ka diphala di ku diya di ku thembweni ka Makipela, masoni ka Mambre, ditikoni ka Kanana, ahale Abrahamu a nga xava ka Efroni, Muheti, kasi kumaha mathithani ko mlumba.

1 Pedro 2:11

Na mi kombela, vo randeka ngutu, nga vaendi ni valuveli ditikoni muwa, mi leka kutiningetetela ka minavelo ya mmidi, ayi yilwako ni moya yotshe mbimo.

Ekleziyaste 12:7

ni lithulu li txi tshumela liya mafuni, nga ti li ngadi ngu tona, ni moya wu tshumela wu tsula ka Txizimu, txi txi nga mninga.

Ekleziyaste 12:5

ni ku ngako makhalo o guleka ma txi zinginika, kuva ni kuthava hanzila, kuthunga mkhungu, ni humbi yi maha yo nemela, ufa ngu kunavela; nguko m'thu wa tsula ka nyumba yo gwita, se vale vo saluka, va na tsimbila-tsimbila mtendelani;

Ekleziyaste 6:3

Ngako m'thu a txi veleka 100 da vanana, e hanya malembe o tala, ni masiku a malembe akwe me tala, ni muhefemulo wakwe wu si khuri ngu litsako, se hahanze keto asi mani ni wo mtshotsha, ni khani i txhuko txirumbu txo dhodwa, kupinda ene.

Jobe 30:23

Nguko ani na tiziva taku u na ni yisa kufani, ni nyumbani mu kuverelako votshe vo hanya.

Genesisi 50:13

Va mtekile va txi m'yisa ditikoni ka Kanana, veya mtshotsha diphalani ka thembwe ya Makipela, ayi Abrahamu a nga yi xava ka Efroni, Muheti, kasiku yi maha wukhalo wo tshotsha ka wona masoni ka Mambre.

Genesisi 47:9

Jakobe a to xamula ka Faro, a txi khene: “Malembe a ku pepeseka kwangu ha mafuni, 130 wa malembe awa, ona madotho, aniko ma tate ngu sixaniso, kha ninzi kuhoka ka mtengo wa malembe awa vatate vangu va nga hanya ha mafuni.”

Genesisi 3:19

“U na dya sakudya ngu mnyuko wa khohe yako, kala u txi tshumelela mafuni ahale u nga thaviswa kona; nguko awe u lithulu kambe u na tshumela u txi maha lithulu.”

Mithumo 7:16

Kambe sirumbi sawe si rwatwe si yiswa Sikemi, si ya tshotshwa diyivani ka Abrahamu, adiya a nga ti di xavile ngu male ya silivhela ka vanana va Hemori, tate wa Sikemi.”

Genesisi 23:5

Vanana va Heti va to xamula ka Abrahamu, va txi kha vona:

Eksodha 2:22

Sekoko Zipora a to veleka mwanana wa mfana, awu ene Mosi a nga mraya ditina daku ngene Gerisoni, nguko a ti khene: “Ni mluveli ditikoni ka vane.”