Genesisi 23:2 - Bhiblia Yo Sawuleka

² se a fete Keriyate-Aribhe, i ku Hebroni, ditikoni ka Kanana. Abrahamu a to ya maha tifanelo ta madila ni kusaluka.

Genesisi 23:2 Referans Kwoze

Genesisi 23:19

Ngu msana, Abrahamu a to tshotsha msikati wakwe Sara, ka diphala di di ku thembweni ka Makipela, masoni ka Mambre, i ku Hebroni, ditikoni ka Kanana.

Genesisi 13:18

Abramu a to khukha ni matenda akwe a txi ya aka mikusuni ka Mambre, i ku hafuhi ni Hebroni, se koneyo, a to akela Mkoma txiluvelo.

1 Makronika 6:57

Se vanana va Aroni va to ningwa madhoropa a wuthavelo: Hebroni ni Libhina, ni tibala ta kona, Jatiri ni Estemowa ni tibala ta kona,

Valamuli 1:10

Se Judha a to yalwa ni Vakanana, vale va nga ti akile Hebroni (ditina da Hebroni kale ka kona i ti ti Kiriyati-Arabhe), se a to ya xula Xexayi, ni Ahimani ni Talimayi.

Mithumo 8:2

Se vavamna vokari va vakhongeli va to kelela Sitefani, ve maha madila a hombe a kusaluka ene.

Johani 11:35

Jesu e dila.

Johani 11:31

Se Vajudha vale va nga ti tshanganile m'tini kwakwe Mariya, ku tela ku ta mu thavelela, mbimo yi va nga wona Mariya kukhukha ngu kukuluveta, a txi huma, va to mu londeta, va txi pimisa ti to a ya diyivani, kuya dilela kona ndiyakwe.

Jeremiya 22:18

Ngu konaho, Mkoma a womba madingano ni Jehoyakimu, mwana Josiya, mfumeli wa ka Judha, a txi khene: Kha va na mbi m'dilela, va txi kha vona: Yowe, mwanathu wa txiwamna! Mwendo yowe, mwanathu wa txisikati! Se kha va na mbi peka huwa ngu ngene, va txi kha vona: Yowe, awe nyamne wangu! Mwendo ku yowe awe mthaviseki!

Jeremiya 22:10

Mi nga dileleni wu a nga fa, mi nga pekeni huwa ngu mhaka yakwe. Aniko dilelani ngutu wu a khukhako, nguko kha na mbi ngadi e wuya, a txi ta wona ditiko di a nga velekwa ka dona.

2 Makronika 35:25

Se Jeremiya a to maha txidilo txo dila Josiya; se votshe vaembeleli vavamna ni vavasikati va to womba-womba ngu timhaka ta Josiya tindandoni kwawe, kala ka ditshiku da nyamsi; nguko va ti mahile txileleto ka Israyeli; wonani taku “ti bhatwe ka dibhuku da sidilo.”

2 Samuwele 5:5

Kona Hebroni a to fuma Judha mtxhanu wa malembe ni mambidi ni mtxhanu wa mtxima ni wumwewo; se kona Jerusalema a to fumela votshe va ka Israyeli ni va ka Judha magumi mararu a malembe ni mararu.

2 Samuwele 5:3

Ngu kumaha keto, otshe madhota a ka Israyeli ma to ta ka mfumeli, kona Hebroni; se mfumeli Dhavhidha a to maha navo txitumelelano kona Hebroni, masoni ka Mkoma; va to tota Dhavhidha kuva mfumeli txitimwi ka Israyeli.

2 Samuwele 2:11

Se Dhavhidha a to fuma Hebroni, txitimwi ka nyumba ya ka Judha, mtxhanu wa malembe ni mambidi, ni mtxhanu wa mitxima ni wumwewo.

2 Samuwele 1:17

Se Dhavhidha a to dila Sawule ni Jonatani, ngu ndando yiya,

2 Samuwele 1:12

Se va to saluka, ve dila, ni kutitona sakudya kala ni minova, ngu mhaka ya Sawule ni mwanakwe Jonatani, ni vathu va Mkoma, ni nyumba ya ka Israyeli, nguko va datwe ngu ditxhari.

1 Samuwele 28:3

Ka mbimo yoneyo Samuwele a ti fite, votshe va ka Israyeli va ti mu dite, ve mtshotsha kona Rama, i nga ti didhoropa dakwe; se Sawule a ti tutumisile vahuti ni tiñanga ditikoni.

1 Samuwele 20:31

Nguko masiku otshe ale mwanana wa Jese a no hanya ha mafuni, awe khu na mbi tsana, hambi mfumo wako, ngu kumaha keto, rumela vo ya mteka a txi ta hawa konkuwa, nguko a fanelwa ngu kufa.

Joxuwa 20:7

Sekoko va to sawula Kedhesi, ditikoni ka Galileya, mmangoni ka Naftali, ni Sikemi, mmangoni ka Efrayime, ni Kiriyati-Aribhe, i ku Hebroni, mmangoni ka Judha.

Joxuwa 10:39

Va to di khozisa didhoropa kumweko ni mfumeli wa kona, ni otshe madhoropa ale ma nga txi fumwa ngu dona; va to ma fuvisa ngu ditxhari, ve lovisa sotshe sile si nga ya maneka ka dona si txi hanya, kha va leka ni wumwewo e sala; nga ti a nga maha ka Hebroni, ni ka Libhina, ni ka vafumeli va kona, ngu toneto Joxuwa a nga ti maha ka Dhebhiri ni ka mfumeli wa kona.

Dhewuteronome 34:8

Vanana va ka Israyeli va msalukile Mosi, libalani ka Mowabhi, amu ka magumi mararu a masiku, kala ku txi guma masiku a masaluko, o dila Mosi.

Mitengo 20:29

Mbimo si msengeletano wu nga wona ti to Aroni a fite, wu to maha txidilo txo dila Aroni, magumi mararu a masiku.

Mitengo 13:22

Se ve kwela ngu didhawa da wulambwe ka kona, veza ve hoka Hebroni; eho ku nga ti zumbile Ahimani, ni Sezayi, ni Talimayi, vatukulu va Anaki (Hebroni ngu kona ko khata kuakwa ngu masoni ka mtxhanu wa malembe ni mambidi na ku si se akwa Zowani, ka Egipta.)

Genesisi 50:10

Ngako va di hokile koko wuhuleloni ka Goreni-Atadhe, ngu didhawa da wutxani ka mnambo wa Jordhani, koneyo va to maha tifanelo ta madila a hombe, Josefa a salukile tate wakwe, a txi heta mtxhanu wa masiku ni mambidi.

Genesisi 27:41

Se Esawu a to khata kuvenga Jakobe mnanda wakwe, ngu mhaka ya txikatekiso txi tate wakwe a nga mninga, a txi pimisa ekha mbiluni kwakwe, a txi khene: “Masiku o na dila tate nguko a di fite, ma hafuhi; sekoko ni na daya mnanda wangu Jakobe.”

Genesisi 23:1

Sara a hanyile 127 wa malembe, aawa ngu ona malembe a kuhanya ka Sara

Genesisi 24:67

Isaake a to wuleta Rebheka nyumbani ka mame wakwe, Sara, a txi mu amukela Rebheka kuva msikati wakwe, a txi mranda. Se Isaake a to mana mthaveleli wa mbilu yakwe, ene se a nga ti fetwe ngu mame wakwe.

Genesisi 35:27

Se Jakobe a to ta ka Isaake tate wakwe, kona Mambre, aniya Kiriyate-Aribhe, i ku Hebroni, ahale va nga ti akile kona, Abrahamu ni Isaake.

Genesisi 37:14

Ene a m'gete, a txi khene: “Tsula u txi ya wona ti to vakomwako va hanyisa kutxani ni mitxhambi, se u na ni wuyisela mahungu awe.” Josefa a di rumilwe, a to khukha mkovani ka Hebroni a txi ya hoka Sikemi.

Joxuwa 15:13

Kalebhi, mwana Jefoni, a ningilwe txyavelo txakwe hagari ka vanana va ka Judha, nga ti Mkoma a nga leleta Joxuwa: A to ningwa didhoropa da Hebroni di dhanwako ku i Kiriyati-Arbha, Arbha i ditina da tate wa Anaki.

Joxuwa 15:54

Hamata, Kariyati-Arbhe, nyamsi i ku Hebroni, ni Sahoni: Mtxhanu wa madhoropa ni mune ni sidhoropana sa kona.

Joxuwa 21:11

Va va ningile Kiriyati-Arbhe, didhoropa da tate wa Anaki i ku Hebroni, mmangoni ka Judha, ni tibala ta wudyiselo, ngu madhawani ka kona.

Nehemiya 11:25

Se madingano ni mikhokhola ni tithembwe ta kona, vamwani ka vanana va ka Judha va ti akile Kiriyate-Aribha, ni ka makhalo ma nga ti fumwa ngu vona, ni ka Dhibhoni ni ka makhalo o fumwa ngu vona, ni ka Jekabhizeyeli ni madhoropa a kona,

Genesisi 50:1

Sekoko Josefa a to ti wisa khoheni ka tate wakwe, a txi mpswopswa, na a txi dila.

1 Samuwele 25:1

Samuwele a to fa, se votshe vanana va ka Israyeli ve sengeletana ve mu dila, ve mtshotsha m'tini kwakwe, kona Rama. Se msana keto Dhavhidha a to khukha e relela txiwulani ka Parani.