Genesisi 23:19 - Bhiblia Yo Sawuleka

¹⁹ Ngu msana, Abrahamu a to tshotsha msikati wakwe Sara, ka diphala di di ku thembweni ka Makipela, masoni ka Mambre, i ku Hebroni, ditikoni ka Kanana.

Genesisi 23:19 Referans Kwoze

Ekleziyaste 12:7

ni lithulu li txi tshumela liya mafuni, nga ti li ngadi ngu tona, ni moya wu tshumela wu tsula ka Txizimu, txi txi nga mninga.

Ekleziyaste 12:5

ni ku ngako makhalo o guleka ma txi zinginika, kuva ni kuthava hanzila, kuthunga mkhungu, ni humbi yi maha yo nemela, ufa ngu kunavela; nguko m'thu wa tsula ka nyumba yo gwita, se vale vo saluka, va na tsimbila-tsimbila mtendelani;

Ekleziyaste 6:3

Ngako m'thu a txi veleka 100 da vanana, e hanya malembe o tala, ni masiku a malembe akwe me tala, ni muhefemulo wakwe wu si khuri ngu litsako, se hahanze keto asi mani ni wo mtshotsha, ni khani i txhuko txirumbu txo dhodwa, kupinda ene.

Jobe 30:23

Nguko ani na tiziva taku u na ni yisa kufani, ni nyumbani mu kuverelako votshe vo hanya.

Genesisi 50:25

Se Josefa a mahile ti to vanana va ka Israyeli ve xambanya, a txi khene: “Mbimo yi Txizimu txi no mi endela, mi na thavisa marambu angu ka wuwa wukhalo mi tsula nawo.”

Genesisi 50:13

Va mtekile va txi m'yisa ditikoni ka Kanana, veya mtshotsha diphalani ka thembwe ya Makipela, ayi Abrahamu a nga yi xava ka Efroni, Muheti, kasiku yi maha wukhalo wo tshotsha ka wona masoni ka Mambre.

Genesisi 47:30

Ngako ni txi fa ni teke u ni humisa ditikoni muwa ka Egipta u txi ya ni tshotsha wukhaloni ka vatate vangu, kasiku ni txi otela kumweko navo. Ene a to womba, a txi khene: Ina ni na maha ti u ti wombako.

Genesisi 3:19

“U na dya sakudya ngu mnyuko wa khohe yako, kala u txi tshumelela mafuni ahale u nga thaviswa kona; nguko awe u lithulu kambe u na tshumela u txi maha lithulu.”

Genesisi 23:18

si to tsaniswa kulumba Abrahamu, masoni ka vanana va Heti, ka votshe vale va nga ti ti wulela ngu ha txikeni ka didhoropa dakwe.

Genesisi 23:20

Ngu toneto, ngu vanana va Heti, ku to tsaniswa ka Abrahamu kulumbwa ngu thembwe, ni diphala di di nga ti ti ka yona, kuva wukhalo wo tshotshela kona vafi.

Genesisi 37:14

Ene a m'gete, a txi khene: “Tsula u txi ya wona ti to vakomwako va hanyisa kutxani ni mitxhambi, se u na ni wuyisela mahungu awe.” Josefa a di rumilwe, a to khukha mkovani ka Hebroni a txi ya hoka Sikemi.