Genesisi 23:17 - Bhiblia Yo Sawuleka

¹⁷ Ngu toneto, thembwe ya Efroni, yi nga ti ti Makipela, masoni ka Mambre, thembwe ni diphala di di kuho ka yona, ni yotshe mindonga yi yi nga ti ti ho, mndani ka mihingano ya kona

Genesisi 23:17 Referans Kwoze

Genesisi 50:13

Va mtekile va txi m'yisa ditikoni ka Kanana, veya mtshotsha diphalani ka thembwe ya Makipela, ayi Abrahamu a nga yi xava ka Efroni, Muheti, kasiku yi maha wukhalo wo tshotsha ka wona masoni ka Mambre.

Genesisi 25:9

Isaake ni Ismayeli, vanana vakwe, va to mtshotsha diphalani ka Makipela, thembweni ka Efroni, mwana Zowari, Muheti, diphala di di ku masoni ka Mambre.

Genesisi 23:20

Ngu toneto, ngu vanana va Heti, ku to tsaniswa ka Abrahamu kulumbwa ngu thembwe, ni diphala di di nga ti ti ka yona, kuva wukhalo wo tshotshela kona vafi.

Mithumo 7:16

Kambe sirumbi sawe si rwatwe si yiswa Sikemi, si ya tshotshwa diyivani ka Abrahamu, adiya a nga ti di xavile ngu male ya silivhela ka vanana va Hemori, tate wa Sikemi.”

Vakolosa 4:5

Hanyani ngu wuzivi ni va va ku hahanze, mi txi londola ta tinene mbimo yi mi ku ka yona.

Vaefesu 5:15

Ti di ngeto, wonisisani ta tinene mahanyelo anu; mi nga hanyiseni ku nga vathu va va si ziviko, aniko hanyani nga vathu va va zivako,

Matewu 10:16

“Wonani, ni mi ruma nga tinvuta hagari ka maxolwa; ngu toneto, txharihani nga minyoka, mi txi va vo mbi na wukhuxu kufana ni situvane.

Masalmo 112:5

A katekile m'thu wu a pfelako wusiwana e lombisa a tsimbitisako mabhindu ngu kululama ni ditshuri;

Genesisi 47:30

Ngako ni txi fa ni teke u ni humisa ditikoni muwa ka Egipta u txi ya ni tshotsha wukhaloni ka vatate vangu, kasiku ni txi otela kumweko navo. Ene a to womba, a txi khene: Ina ni na maha ti u ti wombako.

Genesisi 25:10

I thembwe yi Abrahamu a nga xava ka vanana va Heti, amuwa a nga tshotshwa kona Abrahamu ni msikati wakwe Sara.

Jobe 38:20

kasi kuhokisa txidema mihinganoni, ni kuva u ziva tinzila ta nyumbani ka txona kani?