Genesisi 23:16 - Bhiblia Yo Sawuleka

¹⁶ A di ti pfite eto Abrahamu ngu ka Efroni, Abrahamu a to mpimela male ya silivhela, yi a nga yi womba masoni ka vanana va Heti, ya 400 wa maxekele a silivhela, male yi nga ti ti thumiswa ka vaxavisi.

Genesisi 23:16 Referans Kwoze

Zakariya 11:12

Se ni txi khani ka tona: Ngako mi txi ti wona ti txi mi tsakisa, ni ningeni si si ni lumbako, i si nga tona, lekani. Se va to ni pimela hakhelo yangu, ya magumi mararu a male ya silivhela.

Jeremiya 32:9

Ni to xava thembwe ya Hananeli, mwana tatanyani wangu, ayi yi ku Anatote, ni to mpimela male, ya digumi ni mtxhanu ni mambidi da maxekele a silivhela.

1 Vatesalonika 4:6

Ka yiya mhaka, m'thu a nga thuke a txi dyelela mkwawe, nguko Mkoma wa ziva kupharela ka sotshe siya, kota nga ti hi nga mi gela, hi txi tshumela hi mi xambanyela.

Vafilipiya 4:8

Vanathu, ngu kugwitisa, ni khani: Totshe ti i ku ta ditshuri, totshe ti i ku ta lisima, totshe ti i ku ta kululama, totshe ti ti dhundekako, totshe ti ti ku ni nduma ya yinene, totshe ti i ku ta mahanyelo amanene ni kudhumiseka, ngu toneto mi fanelako kuzumba mi txi ti alakanya.

Varoma 13:8

Mi nga veni ni txikweneti ka mmwani m'thu, hahanze ka txikweneti txa lirando. Nguko awule a randako m'thu kulowe, a hetisile mlayo.

Matewu 7:12

Ngu toneto, koko, totshe ti mi ti lavako kuve mi mahela vathu, va maheleni nanu. Awuwa ngu wona Mlayo ni gondo ya vaprofeti.”

Ezekhiyele 45:12

Se dixekele di na va da magumi mambidi a magera; magumi mambidi a maxekele, ni magumi mambidi ni mtxhanu wa maxekele, ni digumi da maxekele ni mtxhanu, ma nava “arateli.”

Jobe 28:15

Kha yi na kuningelwa nzalama yo sefwa ngu mhaka ya wutxhari, mwendo kutxitxisa silivhela ngu wutxhari.

Eksodha 30:13

Votshe avale va no maneka va di batwe va na ningela hafu ya dixekele da mpimo wa dixekele do basa aha ka magandelo; (i ku magumi mambidi a magera ngu dixekele); hafuyo ya dixekele i mningelo wakwe ka Mkoma.

Genesisi 43:21

se ku to maheka taku, hi di hokile ha wukhaloni hawa hi nga ya gova, mbimo yi hi nga tula masaka athu, mmwani ni mmwani wa ka kwathu, a to mana male yakwe ha txisofuni ka disaka dakwe, yona male yathu ngu mtengo wa yona; se hi wuyile nayo kambe ngu manza athu.

Genesisi 23:15

“Nyamne wangu, ni engise: Thembwe ya kuteka 400 wa maxekele a silivhela, nji txani txonetxo hagari kwangu ni nawe kani? Tshotsha koneho mfi wako.”

Mithumo 7:16

Kambe sirumbi sawe si rwatwe si yiswa Sikemi, si ya tshotshwa diyivani ka Abrahamu, adiya a nga ti di xavile ngu male ya silivhela ka vanana va Hemori, tate wa Sikemi.”

Genesisi 49:29

Ngu msana a to va ninga sileleto, a txi khene: Ani na tsula ni txi ya tshangana ni va ka kwathu. Ni tshotsheni kumweko ni vatate vangu, ka diphala di di ku thembweni ka Efroni, Muheti,

Genesisi 50:13

Va mtekile va txi m'yisa ditikoni ka Kanana, veya mtshotsha diphalani ka thembwe ya Makipela, ayi Abrahamu a nga yi xava ka Efroni, Muheti, kasiku yi maha wukhalo wo tshotsha ka wona masoni ka Mambre.

2 Samuwele 14:26

Se mbimo yi a nga ti kuyula misisi ha msungo kwakwe (ku ti maheka ti to kugumani ka dilembe ni dilembe a ti ti kuyula misisi yakwe, nguko yi ti ti mnemela ngutu, se e yi kuyula ngu mhaka ya toneto), misisi yakwe yi ti dingana 200 wa maxekele, madingano ni txikalo txa wukomani.

Jeremiya 32:10

Ni to bhala dipapilo da mxavo, ni txi di tsanisa na ni di ni tifakazi; sekoko ni to pima male txikaloni.

2 Samuwele 24:24

Kambe mfumeli a to khene ka Arawuna: Ahim-him, ni lava kuxava kwako ngu male, nguko kha ni na mbi ningela Mkoma, Txizimu txangu, miphaxo ya kuhiswa yi ni nga yi mana walo. Ngu kumaha keto, Dhavhidha a to xava txizenda ni tihomu ngu mtxhanu wa magumi a maxekele a silivhela.