Genesisi 22:6 - Bhiblia Yo Sawuleka

⁶ Abrahamu a to teka tikhuni ta kuya hisa ngu tona mhamba, e rweka mwanana wakwe Isaake, na ene a di tekile mndilo ni txikhwa e ñola manzani, se ve tsula vona vokha vavambidi.

Genesisi 22:6 Referans Kwoze

Johani 19:17

Se vona va to teka Jesu a di pakatile txihambano txakwe, a to huma e tsula ka wukhalo wu wu nga dhanwa ku i Txikwakwa, ngu Txihebheru va txi i “Golgota,”

1 Pedro 2:24

Ene a nga rwala sionho sathu ngu mmidi wakwe, ha txihambanoni, kasiku, ngako hi txi fa ka txionho, hi na sikota kuhanya ngu kululama. Anu mi hanyisilwe ngu silonda sakwe.

Matewu 8:17

Kasi kutatiseka ati ti nga wombwa ngu mprofeti Isaya, a txi khene: “Ene a tekile sikarato sathu, a txi rwala ni malwati athu.”

Isaya 53:6

Athu hotshethu hi ti ti hangalakile kufana ni tinvuta; mmweyo ni mmweyo a ti ti tsimbila ngu nzila yakwe, aniko Mkoma a mrwekile wubihi wathu hotshethu.

Genesisi 22:5

Se Abrahamu a to womba tiya ka sithumi: “Zumbani hawa ni mbongola, ani ni mfana hi ya haleya, hi txi ya khozela, hi na tshumela hi wuya kwanu.”

2 Vafumeli 2:6

Se Elija a to khene ka Elixa: Sala kona hawa, Mkoma a ni rumile kuya Jordhani. Aniko ene a to khene: Ni xambanya ngu Mkoma a hanyako, ni moya wako wu hanyako, kha ni na mbi kusiya. Se ngu kumaha keto va to tsula votshe.