Genesisi 22:4 - Bhiblia Yo Sawuleka

⁴ Ngu ditshiku da wuraru, Abrahamu, a di gute maso, a to wu wona wukhalo wule, a di ngadi kule.

Genesisi 22:4 Referans Kwoze

1 Vakorinto 15:4

A keletwe, e tshumela e wuka ngu ditshiku da wuraru, nga ti yi wombako yona Mibhalo.

Luka 13:32

Se a txi khene kwawe: “Tsulani mi txi ya gela nyapweyo, mi txi khanu: Nyamsi ni mangwana ni tovela madhimoni ni kuhanyisa valwali. Wutawo ni na hetisa mthumo wangu.

Matewu 17:23

vona va na m'daya, aniko ngu ditshiku da wuraru a na wuka.” Konako, vona va to telwa ngu dikhodho ngutu.

Hoseya 6:2

Msana ka masiku mambidi, a na hi ninga wutomi; ngu ditshiku da wuraru a na hi wusa, hi hanya masoni kwakwe.

Esteri 5:1

Ku to maheka koko tito, ka ditshiku da wuraru, Esteri e ambala syambalo sakwe sa wufumeli, se eya ema mndani ka muhubhe wa nyumbani ka mfumeli, ngu masoni ka nyumba ya mfumeli; kambe mfumeli a ti ti khalahatshile ha txikhaloni txakwe txa wukoma, nyumbani ka wukoma, masoni ka txike txa nyumba.

2 Vafumeli 20:5

Tshumela u txi ya khawe ka Ezekhiya, mthangeli wa vathu vangu: Mkoma, Txizimu txa tate wako Dhavhidha, a womba tiya: Ni engisile mkombelo wako, ni woni mirongo yako; sekoko ni na kukalamukisa; ka ditshiku da wuraru, u na kwela Nyumbani ka Mkoma.

1 Samuwele 26:13

Se Dhavhidha a to pinda eya ka dimwani didhawa, eya ema tshokani ka mmango ngu kule, aha ka ku ngu hagari kwawe kumaneka mpfhuka wo lapha.

Joxuwa 1:11

Pindani ngu hagari ka wugovelo, mi txi leleta vathu mi txi khanu: Ti longiseleni timbuva, nguko msana ka masiku mararu, mi na txhatuka mnambo wuwa wa Jordhani, kasi kuya teka ditiko di Mkoma, Txizimu txanu, a mi ningako, di txi maha danu.

Mitengo 31:19

Se anu zumbani hahanze ka dizumbo mtxhanu wa masiku ni mambidi; ni wuhi wu a nga daya m'thu wokari, mwendo ni wuhi wu a nga gwesa m'thu wokari wa kufa, ngu ditshiku da wuraru ni ditshiku da wutxhanu ni mambidi, mi na ti sawulekisa, anu ni tikhumbi tanu.

Mitengo 19:19

Se m'thu wu a nga basa, a na xwayela ka wu a nga mbi basa ngu ditshiku da wuraru, ni ditshiku da wutxhanu ni mambidi a txi msawulekisa; kambe a na kuwula syambalo sakwe, e samba amu ka mati, ni minova ya kona e ti basile.

Mitengo 19:12

Ngu ditshiku da wuraru, a na ti basisa ngu mati, se ngu ditshiku da wutxhanu ni mambidi, a na va a di basile; aniko a txi dhuka asi ti basisi ka masiku awa a mararu, a na va a sa basa ka ditshiku da wutxhanu ni mambidi.

Mitengo 10:33

Ngu kumaha keto, va to khukha ngu mmangoni ka Mkoma, ve tsimbila masiku mararu; se dibhokiso da txitumelelano txa Mkoma, di to thangela masoni kwawe masiku mararu, kasi ku va lavela wukhalo wo humula ka wona.

Levhi 7:17

Ka ditshiku da wuraru, nyama yi yi nga sala ha ka mhamba, yi na vekwa ha txikho yi txi hiswa ngu mndilo.

Eksodha 19:15

Se a to khene ka vathu: “Ka ditshiku da wuraru, manekani mi di ti lulamisete, mi nga tshuketeleni vavasikati.”

Eksodha 19:11

va txi va va di ti longisete ka ditshiku da wuraru, nguko ka ditshiku da wuraru, Mkoma a na txhika txitimwi ka mmango wa Sinayi, masoni ka vathu votshe.

Eksodha 15:22

Msana keto, Mosi a mahile ti to va ka Israyeli va txi khukha hafuhi ka Linene lo Bhilivila, ve humela kuya txiwulani ka Suri; se va to tsimbila masiku mararu txiwulani, aniko kha va mana mati.

Eksodha 5:3

Vona va wombile va txi kha vona: “Txizimu txa Vahebheru txi tile kwathu. Ngu mhaka yeto hi leke hi txi teka dipfhumba da masiku mararu hi txi tsimbila mu txiwulani, kasi ku hi txi ya phaxa ka Mkoma, Txizimu txathu, kasi txi si hi dayi ngu mtungu ni ditxhari!”

Genesisi 22:3

Sekoko Abrahamu a to wuka ni mabimbi-kutxa, e longela mbongola yakwe, e teka sithumi simbidi kumweko ni mwanana wakwe Isaake, a txi funya ni tikhuni ta kuya hisa ngu tona mhamba; a to tsula ka wukhalo wu Txizimu txi nga mkomba wona.

Genesisi 22:5

Se Abrahamu a to womba tiya ka sithumi: “Zumbani hawa ni mbongola, ani ni mfana hi ya haleya, hi txi ya khozela, hi na tshumela hi wuya kwanu.”