Genesisi 22:3 - Bhiblia Yo Sawuleka

³ Sekoko Abrahamu a to wuka ni mabimbi-kutxa, e longela mbongola yakwe, e teka sithumi simbidi kumweko ni mwanana wakwe Isaake, a txi funya ni tikhuni ta kuya hisa ngu tona mhamba; a to tsula ka wukhalo wu Txizimu txi nga mkomba wona.

Genesisi 22:3 Referans Kwoze

Masalmo 119:60

Ni kuluvetile, kha na swela kuvekisa sirumo sako.

Matewu 10:37

“Awule a randako ngutu tate mwendo mame wakwe kupinda ani, kha ni faneli. Awule a dhundako ngutu mwanana wakwe wa mfana mwendo wa dihorana kupinda ani, kha ni faneli.

Luka 14:26

“Ngako m'thu a txi ta kwangu, na asi vengeli tate wakwe, mame wakwe, msikati wakwe, vanana vakwe, vanawe va mazambi, tindiyakwe, hambi ni wutomi wakwe, kha sikoti kumaha mgondiswa wangu.

Vagalatiya 1:16

mbimo yoneyo ti nga tsakisa Txizimu ku ni tulela kuziva Mwanana wa txona, kasiku ni mpfalisa hagari ka vamatiko, kha na wotisa m'thu,

Ekleziyaste 9:10

Ni txihi txi dianza dako di txi kotako kumaha, txi mahe madingano ni mtamo wako, nguko dithithani, amu awe uyako kona, kha ku na mthumo, hambi makungo, hambi wuzivi, hambi wutxhari ni wawumwewo.

Genesisi 21:14

Sekoko Abrahamu a to wuka ni mixo, e teka sakudya ni txibhembe txa mati e rweka Hagari, se a to m'belekisa mwanana, ngu msana a to mu humisa. Hagari a to huma e pepeseka mu txiwulani ka Bherisebha.

Genesisi 17:23

Sekoko Abrahamu a to teka Ismayeli, mwanana wakwe, ni votshe vavamna vale va nga velekwa m'tini kwakwe, ni votshe vale va nga xawa ngu male, votshe va mazambi, ava va kuho m'tini kwakwe, a to va yisa wukwera, ka donedo tshiku, nga ti Txizimu txi nga mleletisa tona.

Vahebheru 11:8

Ngu likholo, vakale va mani nduma ya yinene. Ngu likholo, Abrahamu, ngako a di dhanwi ngu Txizimu, a engisile a txi khukha e tsula ka ditiko di a nga ti fanela ku di amukela, di txi maha thomba yakwe, a tsute asi zivi ti to a ya hayi.

Genesisi 22:2

Txizimu txi to kha txona: “Teka mwanana wako, mwanana wako wammweyo, ene Isaake, awu u m'dhundako ngutu, u tsula ka ditiko da Moriya, ahawa u no ya mningela, u txi mmaha mhamba ya kuhiswa, ka mmango wu ni no kukomba.”

Genesisi 22:4

Ngu ditshiku da wuraru, Abrahamu, a di gute maso, a to wu wona wukhalo wule, a di ngadi kule.

Genesisi 22:18

Se ngu ka liveleko lako yi na katekiswa yotshe mifumo ya ha mafuni, nguko u engisile dipswi dangu.”

Joxuwa 8:10

Se Joxuwa a to wuka ni mabimbi-kutxa, a txi bala vathu; ene ni madhota a ka Israyeli va to thangeka masoni ka vathu, va txi yalwa ni Ayi.

Joxuwa 3:1

Joxuwa koko, a to khukha ngu Sitime ni mabimbi-kutxa, e tsula kala Jordhani, ene ni votshe vanana va ka Israyeli, aha va nga ya humula kona, va si se kutxhatuka.