Genesisi 22:2 - Bhiblia Yo Sawuleka

² Txizimu txi to kha txona: “Teka mwanana wako, mwanana wako wammweyo, ene Isaake, awu u m'dhundako ngutu, u tsula ka ditiko da Moriya, ahawa u no ya mningela, u txi mmaha mhamba ya kuhiswa, ka mmango wu ni no kukomba.”

Genesisi 22:2 Referans Kwoze

Johani 3:16

Nguko Txizimu txi kombile lirando ka vathu, ahawa txi nga za txi ningela Mwanana wa txona wa Mmweyo ekha, kufela ku, votshe va va no kholwa kwakwe, va si lovi, aniko va na mana wutomi wo mbi guma.

Varoma 8:32

Txona txi nga mbi felela Mwanana wa txona, kambe txi nga mningela ngu mhaka yathu hotshethu, ina kha txi na mbi hi ninga silo sotshe kumweko nayo kani?

Vahebheru 11:17

Ngu likholo, Abrahamu, mbimo yi a nga dukwa, a ningete Isaake. A ningete mwanana wakwe wammweyo ekha ngu ku a nga amukela sithembiso,

Genesisi 22:16

yi txi m'gela tiya: “Ni xambanyile ngu ngani nipune, kuwomba Mkoma, Nga ku u nga maha toneto, u nga mbi lamba ni mwanana wako wammweyo,

Genesisi 17:19

Txizimu txi to mxamula txi txi kha tona: “Ahim-him msikati wako Sara ngene a no kuvelekela mwanana wa mfana, se awe u na mraya ditina daku i Isaake, ni na emisa Txitumelelano nayo, atxi txi no va Txitumelelano txo mbi guma, kasiku ni va Txizimu txakwe, ni txa lotshe liveleko lakwe, msana kwakwe.”

2 Vafumeli 3:27

Sekoko a to teka mfana wakwe wa matiwula, a nga txi dingana kufuma ka wukhalo wakwe, e maha ngene mningelo txitimwi ka diguma; se ku to maneka gujeguje ya hombe ka Israyeli; ngu mhaka yeto, va to tiwuka ve tshumelela ditikoni kwawe.

Genesisi 22:12

Sekoko Ngelozi yi to kha yona: “U nga sanzeke dianza txitimwi ka mfana, kambe u nga mmahe txilo; nguko se na tiziva tito, ngu ditshuri, wa txi thava Txizimu, nguko khwa ni lambela mwanana wako, mwanana wako wammweyo.”

2 Makronika 3:1

Solomoni a to khata kuaka Nyumba ya Mkoma kona Jerusalema, ka mmango wa Moriya, ka wukhalo awu Dhavhidha tate wakwe, a nga ti wusawute ani Orinani, nguko ngu hawa Mkoma a nga ti wonekisa kona ka Dhavhidha.

Valamuli 11:39

Se ngako ku di pindile mitxima yimbidi, a to tshumela a txi wuya ka tate wakwe, ahawa tate wakwe a nga maha nga ti a nga xambanya tona. Kambe ene kha nga va a di zivile wamwamna.

Valamuli 11:31

a wule a no khata ene a txi huma ngu ha txikeni ka nyumba yangu, a txi ni hingeta, mbimo yi ni no wuya ni di xute vanana va ka Amoni, eyo ni na maha ngu ene minigelo wo hiswa ka Mkoma.

Genesisi 21:12

Aniko Txizimu txi to kha txona ka Abrahamu: “U nga pandiseke ngu mhaka ya mwanana wako, i mhaka ya txithumi txako: Awe maha totshe ti Sara a ku kombelako, nguko ka Isaake ku na huma liveleko li li no kulisa ditina dako.

Varoma 5:8

Aniko, Txizimu txa hi kombisa lirando la txona, nguko Kristu a tumete ku hi fela athu hi di ngadi vaonhi.

Mika 6:7

Ina Mkoma a na tsaka ngu magumi a mazana a tinvuta kani? Ngu 10.000 ya siya so tala ngu mafura kani? Ni na ningela matiwula angu ngu mhaka ya wuhambunyeti wangu kani? M'hando wa mndani kwangu, ngu mhaka ya txionho txa dihika dangu kani?

Genesisi 8:20

Nowa a to akela Txizimu txiluvelo, e teka sihari sokari ka sotshe so sawuleka, ni ka sotshe sinyana so sawuleka, a txi maha mningelo wo hiswa ha txiluveloni.

Genesisi 22:3

Sekoko Abrahamu a to wuka ni mabimbi-kutxa, e longela mbongola yakwe, e teka sithumi simbidi kumweko ni mwanana wakwe Isaake, a txi funya ni tikhuni ta kuya hisa ngu tona mhamba; a to tsula ka wukhalo wu Txizimu txi nga mkomba wona.

Genesisi 22:9

Va to hoka ka wukhalo wu Txizimu txi nga ti ti va leletile ka wona; Abrahamu a to aka txiluvelo, e veketela tikhuni txitimwi ka txona, e sunga mwanana wakwe Isaake, e msanzeka ha ka tikhuni txitimwi ka txiluvelo.

Genesisi 21:3

Mwanana wu a nga velekwa ngu Sara, Abrahamu a mrayile ditina daku i Isaake.