Genesisi 22:17 - Bhiblia Yo Sawuleka

¹⁷ ni na kukatekisa, ni andisa liveleko lako, nga tinyeleti ta nzumani, ni ku nga mtxhefa mabambe ka linene; liveleko lako li na honyola madhoropa a valala va lona.

Genesisi 22:17 Referans Kwoze

Genesisi 15:5

Sekoko Txizimu txi to teka Abramu txi mu yisa hahanze, txi txi kha txona: “Hi nga gula maso u txi wona nzumani, u bala tinyeleti, mwendo u na sikota ku ti bala, txi txi kha txona: Liveleko lako li na talisa ku nga tona ti.”

Jeremiya 33:22

Ni na engetela mtengo wa liveleko la txithumi txangu Dhavhidha ni wa Valevhi i ku vaphaxeli, nga ku mtengo wa yimbi ya nzuma wu si balwiko, hambi ni mtxhefa wa linene.

Genesisi 13:16

Liveleko lako ni na li maha li txi fanana ni lithulu la mafu. Ku walo wu a sikotako kubala lithulu la mafu, kufana ni toneto, kuwalo wu a no sikota kubala situkulwana sako.

Genesisi 26:4

Ani ni na maha ti to liveleko lako li txi tala ha mafuni nga tinyeleti ta nzumani, otshe matiko awa ni na ninga vatukulu vako, se ngu mhaka yawe, mifumo yotshe ya ha mafuni yi na katekiswa,

Genesisi 24:60

Va to katekisa Rebheka, va txi kha vona kwakwe: “Awe ndiyathu veleka magumi a mazana a magumi a mazana, liveleko lako li na xule valala va lona.”

Mtuletelo 11:15

Se ngelozi ya wutxhanu ni timbidi yi to veta mpundu wa yona. Konako ku to pfala mapswi a mtamo nzumani, ma txi kha ona: “Mfumo wa mafu konkuwa wu lumba Mkoma wathu ni Kristu wakwe, se ene a na fuma ngu ha ku si gumiko.”

Vaefesu 1:3

Txi na dhumiswe Txizimu Tate wa Mkoma wathu Jesu Kristu, txi nga hi katekisa ngu makatekwa a moya wa nzumani, ngu ka Kristu.

Dhewuteronome 1:10

Mkoma, Txizimu txanu, a mi andisile ti to nyamsi, se mi tate nga tinyeleti ta nzumani!

Genesisi 32:12

Awe ngawe, u nga womba u txi khawe: “U na ni xayisa ta tinene, u txi maha ti to liveleko langu li txi tala nga mtxhefa wa mafu a lineneni, awu wu si kotekiko kubalwa.”

1 Vakorinto 15:57

Txi na bongwe Txizimu txi hi ningako kuxula ngu Mkoma wathu Jesu Kristu.

Jeremiya 32:22

U va ningile ditiko di u ngadi xambanya ka vatate vawe ati taku u na va ninga dona, ditiko di di khulungako masi ni wulombe;

Mika 1:9

Nguko txilonda txako kha txi holiswi, nguko txi hokile kala ka Judha; txi endelekile kala ha txikeni ka vathu vangu, kona Jerusalema.

1 Vafumeli 9:26

Kambe mfumeli Solomoni a to maha sitataru kona Eziyomi-Gebheri, ku manekako hafuhi ni Elate, ka mati a Linene la Sufe, ditikoni ka Edhomi.

Dhewuteronome 21:19

sekoko, tate wakwe ni mame wakwe, va na mteka, ve tsula nayo ka madhota a didhoropa, ha txikeni ka didhoropa dawe,

Genesisi 28:3

Txizimu txa mtamo wotshe txi na ku katekise, txi txi kuninga liveleko lo tala, u txi anda, u txi maha tate wa tihunzu to mbi balwa.

Genesisi 17:6

Ani ni na andisa ngutu liveleko lako, ngu ngawe ni na tumbulukisa mifumo yo tala, hambi vafumeli va na humela kwako.

Genesisi 12:2

Ni na maha lihunzu la hombe ngu ngawe; ni na kukatekisa, ni kuninga ditina da hombe, uva ditshina da makatekwa.

Varoma 4:13

Kunene, i ti si nga mhaka ya Mlayo, txithembiso txi txi nga mahwa ka Abrahamu ni liveleko lakwe ti to a na maha m'dyi wa thomba ya mafu, aniko txi mahilwe ngu mhaka ya kululama ka kukholwa.

Varoma 9:27

Isaya nene wa huwelela ta Israyeli, a txi khene: “Hambiko mtengo wa vanana va ka Israyeli wu fanako ni mtxhefa wa lineneni, miboti yokha ngu yona yi no poniswa;

Vahebheru 6:14

txi txi kha txona: “Kha ditshuri, ni na kukatekisa ngu sikatekiso so tala, ni na kuandisa ngu mtengo wawungi.”

Vahebheru 11:12

Ngu lona likholo kambe, m'thu wammweyo wa kusavelwa ngu lifo a sikotile kuveleka ngamu yayingi yo dinganiswa ni kutala ka tinyeleti ta nzumani, to mbi balwa kufana ni titshenda ta mtxhefa wa lineneni.

Genesisi 25:11

Msana ka kufa ka Abrahamu, Txizimu txi katekisile mwanakwe Isaake; Isaake a ti ti akile hafuhi ni Bheheri-Lahayi-Royi.

Genesisi 26:24

Se Mkoma a to woneka kwakwe ka wona wusiku wule, e m'gela tiya: “Ani ngani Txizimu txa Abrahamu, tate wako; u nga thave txilo, nguko ani nipune ni ni nawe. Ani ni na kukatekisa, ni na andisa liveleko lako, ngu mhaka ya Abrahamu txithumi txangu.”

Genesisi 28:4

Txizimu txi na ku ninge awe ni liveleko lako, kateko ya Abrahamu, kasiku u txi teka ditiko di u nga zumba ka dona, di maha dako, adi Txizimu txi nga ninga Abrahamu.”

Dhewuteronome 10:22

Vakale vako i ti mtxhanu wa magumi ni mambidi dwe, mbimo yile va nga wulela ditikoni ka Egipta, konkuwa Mkoma, Txizimu txako, a ku andisile u txi tala nga tinyeleti ta nzumani.”

Dhewuteronome 13:17

Kambe ni txa tximwetxo ka sile i ku so yila, kha kulaveki txi maneka manzani kwako, kasi ku Mkoma a txi boxa dikhulo da txiviti txakwe, a txi kupfela wusiwana, a txi va ni wumbilu ngu ngawe, a txi kuandisa, nga ti a nga xambanya ka vatate vako,

1 Makronika 27:23

Kambe Dhavhidha kha bala mtengo wa vale va magumi mambidi a malembe kuya hahatshi, nguko Mkoma a ti wombile taku a na andisa Israyeli, a txi nga tinyeleti ta nzumani.

2 Makronika 1:9

Konkuwa koko, awe Mkoma Txizimu, tsanisisa dipswi dako, dile u nga ninga Dhavhidha, tate wangu; nguko awe u ni mahile mfumeli txitimwi ka vathu votala ngutu nga lithulu la mafu.

Hoseya 1:10

Ngu kumaha keto, mtengo wa vanana va ka Israyeli u na nga mtxhefa wa lineneni, awule wu si pimwiko mwendo kubalwa; se ku na maheka tito, ka wukhalo wu va nga gelwa ku kha vona: Anu kha mi nga vathu vangu, va na kha vona: Anu mi vanana va Txizimu txi txi hanyako.

Genesisi 32:13

Jakobe a to otela wusiku wule ka wona wukhalowo, ka sotshe si a nga ti naso, a to sawula sokari, kasi kuya luva ngu sona ka mkomwakwe Esawu;

Eksodha 32:13

Khumbula sithumi sako Abrahamu, Isaake ni Israyeli, avale u nga xambanya kwawe u txi khawe: Ni na andisa liveleko lanu li txi nga tinyeleti ta nzumani, kambe ni na ningela dotshe ditiko diya ka vanana vanu adile ni ngadi womba, kasi ku dimaha thomba yawe, kala kupinduka.”

Dhewuteronome 1:11

Mkoma, Txizimu txa vatate vanu, a na mi andise, amu ka digumi da mazana, a txi mi katekisa, nga ti a nga mi thembisisa tona!

Dhewuteronome 13:18

ngako u txi engisa dipswi da Mkoma, Txizimu txako, u vekisa sotshe sirumo sakwe, asi nyamsi ni ku leletako, u maha ti i ku to lulama masoni ka Mkoma, Txizimu txako.

2 Samuwele 17:11

Aniko ani ni womba tito, votshe va ka Israyeli va na ti pate kwako, ngu kukuluveta, kukhukhela Dhani kala Bhersebha, va di tate kufana ni mtxhefa wa lineneni, ni ti to awe upune tsula kulwani.

1 Vafumeli 4:20

Kunene, va ka Judha ni va ka Israyeli i ti vavangi, kufana ni mtxhefa wa mabambe ka linene, ngu wungi wawe, vedya, ve sela, ni kutitsakela.

Nehemiya 9:23

U engetete vanana vawe ve fana ni tinyeleti ta nzumani, se u va wuyisa ka ditiko di u nga ti gete vatate vawe ti to va na wulela ka dona ve di teka.

Isaya 48:19

Hambi liveleko lako li ndi na fana ni mafu, ni vale va humako disembeni kwako, va ndi na tala nga mtxhefa wa lineneni; ditina dako di si dhuki di thaviswa, hambi kuloviswa masoni kwangu.

Hoseya 2:1

“Gelani vananu mi txi khanu: Ami; ni tindiyanu mi txi khanu: Ruwama.”