Genesisi 21:8 - Bhiblia Yo Sawuleka

⁸ Se mwanana a to kula, e lekiswa kumama; sekoko Abrahamu a to maha m'buso wa hombe, ka ditshiku di Isaake a nga lekiswa kumama.

Genesisi 21:8 Referans Kwoze

1 Samuwele 1:22

Hambi keto, Ana kha kwelela, aniko a to khene ka mwamna wakwe: Mbimo yi mwanana o no lumulwa, sekoko, ni na mteka kasi ku eya woneka masoni ka Mkoma, se koneyo a na ya zumba kona yotshe mbimo.

Hoseya 1:8

Se msana ka kuva a di lumute Lo-Ruwama, a to khura txirumbu e veleka mwanana wa mfana.

Masalmo 131:2

Ka toneto, ni malatile mbilu yangu yi thutha, kufana ni mwanana a nga mama, e wukarelwa ngu mame wakwe; moya wangu wu fana ni mwanana wu a nga mama e khura.

1 Vafumeli 3:15

Se Solomoni a to wuka, e wona taku a ti ko lora. Se a to ta Jerusalema, a txi ta ti veka hafuhi ni dibhokiso da txitumelelano txa Mkoma, se a to ningela miphaxo, a to longisela miphaxo ya kudikha, se a to mahela m'buso wa hombe vathu vakwe votshe.

2 Samuwele 3:20

Se Abhineri a tota ka Dhavhidha, kona Hebroni, a di ni magumi mambidi a vavamna, kambe Dhavhidha a to mahela m'buso Abhineri ni vavamna vale a nga ti ti navo.

Genesisi 40:20

Kha ditshuri, ka ditshiku da wuraru, i nga ti ditshiku da kutshanganisa malembe a kuvelekwa ka Faro, ene a to maha m'buso wo mahela vathangeli vakwe votshe, kumweko ni vathangeli va vatheleli vakwe va so sela, ni mthangeli wa vabhiki va mapawu akwe, hagari ka vathangeli vakwe votshe.

Genesisi 29:22

Sekoko Labhani a to ramba vathu va wukhalowo, e va mahela m'buso.

Genesisi 26:30

Sekoko Isaake a to va lulamisela m'buso, se vona ve dya, ve sela.

Genesisi 19:3

Loti a to ti khongotela ngutu tiza ti txi tumela kuwulela nyumbani kwakwe. A to ti lulamisela sakudya, e bhika mapawu o mbi na mtshumbelo, se tona ti dya.

Esteri 1:3

ka dilembe da wuraru da kufuma kwakwe, a to ramba votshe vathangeli vakwe ni sithumi sakwe (mitamu a Persiya ni Medhiyani, ni vathangeli va hombe va matiko a hombe, va ti ti ho masoni kwakwe),

1 Samuwele 25:36

Mbimo yile Abhigayeli a nga wuya ka Nabhali, a to mana taku m'tini kwakwe ku ni m'buso wa hombe, wo fana ni m'buso wa mfumeli; se mbilu ya Nabhali yi ti ti tsakile ngutu, a di levile ngutu, aha koza asi m'gela txilo kala ni mixo.

Valamuli 14:12

Samusoni koko, a to va gela tiya: “Ni lava ku mi mahela thethekatheka yokari, mi na randula, se ngako mi txi yi tumbula ni ku ni randulela mndani ka mtxhanu wa masiku ni mambidi a m'buso, ni na mi ninga magumi mararu a tinguwo, ni magumi mararu a syambalo sa kubomba ngu sona.

Valamuli 14:10

Mbimo yile koko tate wakwe a nga relela ka wule wamsikati, Samusoni a to maha m'buso kona wukwe niya, nguko ma ti ti tolovela kumaha eto majaha.

Genesisi 21:7

Sara a to ya masoni ngu kuwomba, a txi khene: “I mani a nga ti womba ka Abrahamu ti to Sara a na mamisa mwanana kani? Aniko ni m'velekete mwanana wa m'zambi, kukumbani kwakwe.”

Genesisi 21:9

Ngako Sara a txi wona Ismayeli, mwana Hagari, Muegipta, awu a nga veleka ni Abrahamu, na a txi sakana ni Isaake mwanakwe

1 Samuwele 1:24

Se ngako a di mlumute, a to tsula nayo, ni marole mararu ni efa ya mpupu, ni fuko ya vhinya, se e si tisa Nyumbani ka Mkoma, kona Silo. Aniko mfana i ti ti ngadi mwanana ngutu.